ڈبلیو ایس جے (وال اسٹریٹ جرنل) نے کہا، “ٹوکیو سے تعلق رکھنے والی سافٹ بینک نے (امریکی) وفاقی حکومت کو اسپرنٹ کے بورڈ کے لیے اپنے نامزد کردہ ڈائریکٹروں میں سے ایک کی منظوری دینے کا حق دینے پر اتفاق کیا ہے”۔

رپورٹ نے مزید کہا، یہ ڈائریکٹر قومی سلامتی کے معاملات کی نگرانی کا ذمہ دار ہو گا۔

پچھلے ماہ سافٹ بینک کے صدر ماسایوشی سون نے اسپرنٹ نیکسٹل کی 20 ارب ڈالر سے خریداری کی اپنی تجویز کا دفاع کیا تھا، جب اس سودے سے پیدا ہونے والے قرضوں کے اضافی بوجھ پر خدشات پیدا ہوئے۔

چیف کیبنٹ ترجمان یوشی ہیدے سُوگا نے بدھ کو کہا کہ شمالی کوریا کے ساتھ اعلی سطحی مذاکرات ممکن ہیں بشرطیکہ ان کا نتیجہ اغوا کے معاملے پر بریک تھرو کی صورت میں نکلے۔ وزیرِ اعظم شینزو ایبے نے عندیہ دیا ہے کہ اگر ایسا کوئی بریک تھرو کیا جا سکے تو وہ شمالی کوریائی رہنما کم جونگ اُن کے ساتھ سربراہ ملاقات پر تیار ہیں۔

تاہم شمالی کوریائی پالیسی کے لیے خصوصی امریکی نمائندے گلین ڈیویز نے خبردار کیا کہ ہو سکتا ہے شمالی کوریا جاپان کے ساتھ ان مذاکرات کو استعمال کر کے ٹوکیو، واشنگٹن اور سئیول کی پالیسیوں میں دراڑ ڈالنے کی کوشش کر رہا ہو۔

جوسئے سیون میگزین نے منگل کو اطلاع دی کہ یاگوچی کا 27 سالہ خاوند ماسایا ناکامورا، جو اداکار ہے، فروری میں ایک دن گھر واپس آیا تو اس نے یاگوچی کو 25 سالہ ماڈل کینزو اومیدا کے ساتھ بستر میں پایا۔ ناکامورا اور یاگوچی تب سے الگ الگ رہ رہے تھے۔

دریں اثناء، اومیدا نے اپنے ٹوئٹر اکاؤنٹ کے ساتھ ساتھ ذاتی بلاگ بھی حذف کر دیا ہے۔

فُوجی ٹی وی نے اطلاع دی، بدھ کو کٹھمنڈو میں مینالی نے جاپان میں اپنی جیل کی زندگی بارے اپنی کتاب کے اعلان کے لیے ایک پریس کانفرنس منعقد کی۔ “جاپانی حکومت کو ایک اعلی سطحی وفد کٹھمنڈو بھیجنا چاہیئے اور مجھ اور میرے خاندان سے باضابطہ معافی مانگنی چاہیئے۔”

مینالی کو پچھلے جون کو رہا کر کے نیپال بھیجا گیا جب دوبارہ مقدمے کے لیے اس کی درخواست منظور ہو گئی تھی۔ اگرچہ اس نے جاپانی حکومت سے باضابطہ معافی کا مطالبہ کیا ہے، تاہم مینالی نے کہا وہ ابھی تک “فیصلہ نہیں کر سکا” کہ وہ ہرجانے کے لیے مقدمہ دائر کرے گا یا نہیں۔

جاپان میں اس کے وکیل نے پہلے ہی زرِ تلافی کے لیے درخواست دائر کر دی ہے، جس میں اس کی 15 برس کی اسیری کے لیے کوئی 68 ملین ڈالر کا مطالبہ کیا گیا ہے۔

تابکاری سے رسولیوں اور چھاتی کے سرطان کی ماہر کومیکو کاراساوا نے کہا، قومی ادارہ برائے تابکاریاتی سائنسوں نے “بھاری آئن والے ریڈیائی علاج” کی آزمائشیں شروع کی ہیں — جو سوئی کی نوک جیسی نفیس ترین تابکاری کی بیم خارج کرتی ہے جسے زہر آلود خلیات پر درست انداز میں مرکوز کیا جا سکتا ہے۔ (تابکاری والے علاج کے ذریعے تابکاری والی شعاعیں سرطان والے خلیات پر مرکوز کر کے انہیں تباہ کر دیا جاتا ہے۔ تاہم شعاعی علاج کے اس طریقے کے اپنے نقصانات ہیں مثلاً بالوں کا جھڑ جانا، اور اس سے اطراف کے صحتمند خلیات بھی متاثر ہو سکتے ہیں۔)

یہ تحقیق چھاتی کے سرطان اور اس کے علاج میں بین الاقوامی سطح پر دوبارہ دلچسپی پیدا ہونے کے دوران شروع کی گئی ہے جب آسکر ایوارڈ یافتہ اداکارہ انجلینا جولی نے انکشاف کیا کہ وہ حفظِ ماتقدم کے طور پر دوہری پستان براری (پستان الگ کرنے کی جراحی) سے گزری ہیں۔

کاراساوا نے اے ایف پی کو بتایا، “ہم یہ آزمائش کرنے کے قابل ہیں چونکہ ہمارے پاس اس بات کی بہتر سمجھ بوجھ موجود ہے کہ چھاتی کے کس کس قسم کے سرطان سوئی کی نوک جتنے نفیس تابکاری علاج سے مستفید ہو سکتے ہیں”۔

جاپان، جس کے پاس اعلی معیار کا طبی نظام ہے، چھاتی کے سرطان کے حوالے سے اچھا ریکارڈ رکھتا ہے، جہاں مریضوں کی پانچ سالہ بچنے کی شرح 90 فیصد

ٹی بی ایس نے جمعرات کو خبر دی، جیکےئی ہسپتال بورڈ کے چئیرمین تائیجی ہاسودا نے کہا کیتھولک ہسپتال کے مرکزِ اطفال نے اپریل 2012 سے اس برس مارچ کے دوران نو بچے وصول کیے۔

ہسپتال کے مطابق، ہسپتال کی نگرانی میں اپنے بچے دینے والی سات ماؤں نے اپنے پتے بھی فراہم کیے۔ ان میں سے ایک کوماموتو میں سے تھی، اور اس برس پہلی مرتبہ ایک والدہ ہوکائیدو سے سفر کر کے مدد کی تلاش میں آئی۔

ہسپتال نے کہا کہ اس نے 2007 میں 17 نومولود، 2008 میں 25، 2009 میں 15، 2010 میں 18، 2011 میں 8 بچے وصول کیے جس سے خدمت کے آغاز سے اب تک وصول شدہ بچوں کی تعداد 92 ہو گئی ہے۔ اس نے مزید کہا کہ ٹھیک آدھے بچے لڑکے اور آدھے لڑکیاں ہیں۔

ان برسوں کے دوران لوگوں نے کئی بے سر و پا وجوہات کی بناء پر اپنے بچے ہسپتال میں چھوڑے ہیں۔

یوئی چیرو میورا، جنہوں نے جنوب مشرقی پشت والا معیاری راستہ اختیار کیا جس پر سب سے پہلے 60 برس قبل سر ایڈمنڈ ہیلری اور تینزنگ نورگے گئے تھے، قریباً 9 بجے صبح 8,848 میٹر اونچے پہاڑ کی چوٹی پر پہنچ گئے۔

میورا، جنہوں نے پہلی بار 2003 میں ایورسٹ پیمائی کی تھی اور اسے پانچ برس بعد دوہرایا، نے نیپال کے مِن بہادر شیر چن سے معمر ترین کوہ پیما کا ریکارڈ چھینا ہے، جو 2008 میں 76 برس کی عمر میں چوٹی پر پہنچے تھے۔

نیپال کی وزارتِ سیاحت کے اہلکار گیاندرا شریستھا نے کہا، میورا نے اپنی حتمی چڑھائی شروع کرنے سے قبل رات 8000 میٹر بلند ساؤتھ کول، جو چوٹی سر کرنے والے بیشتر کوہ پیما آرام کی جگہ کے طور پر استعمال کرتے ہیں، کی بجائے 8500 میٹر کی بلندی پر نام نہاد “ڈیتھ زون” میں ‘بالکونی’ پر گزاری۔

مشیر پینل کی جانب سے وزیرِ خزانہ تارو آسو کے لیے انتباہ ایک نازک وقت پر سامنے آیا ہے — جب حکومتی بانڈ مارکیٹوں میں قیمتوں میں طیران پذیر کمی ہوئی ہے، جس سے وزیرِ اعظم شینزو ایبے کی حکومت کے نفیس توازنی اقدام کی اہمیت نمایاں ہوئی ہے۔

پینل نے ایک رپورٹ کے مسودے میں خبردار کیا، “اگر حکومت مالیاتی اصلاحات سے مضبوطی سے نمٹنے اور ٹھوس نتائج پیدا کرنے میں ناکام رہتی ہے، تو اس کا نتیجہ جاپانی مالیات پر مارکیٹ کے عدم اعتماد کی صورت میں نکل سکتا ہے اور اس سے شرح سود میں یکلخت اضافہ ہو سکتا ہے، جس سے ممکنہ طور پر زری نرمی کے اقدامات زائل ہو سکتے ہیں”، اور مزید کہا کہ شرح ہائے سود مبادیات سے شدید طور پر تغیر پذیر ہو سکتے ہیں، خصوصاً اس وقت جب بینک آف جاپان بالآخر عددی نرمی کے اقدامات سے باہر نکلنے کا آغاز کرے گا۔ (جاپانی حکومت نوٹ چھاپ کر روپے کے بہاؤ میں اضافہ کر رہی ہے لیکن یہ نوٹ حکومت پر قرضوں کی شکل میں لکھے جا رہے ہیں۔ جاپان کا قرضہ پہلے ہی خطرناک ترین حد کو چھو رہا ہے اور یوشیکو نودا اسی لیے سیلز ٹیکس بڑھا کر اپنا سیاسی کیرئیر برباد کر بیٹھے۔ یہی خدشہ اب پھر ظاہر کیا جا رہا ہے کہ زری نرمی اور قرض خواہوں کا اعتماد قائم رکھنے کے مابین نازک توازن اگر قائم نہ رکھا جا سکا تو جاپانی حکومت کے قرضوں پر شرح سود ہی اتنی بڑھ جائے گی کہ الٹا لینے کے دینے پڑ جائیں گے۔)

توبو ٹاور اسکائی ٹری کو کے مطابق، 2012 میں اپنے افتتاح کے پہلے ہفتے کے دوران 1.64 ملین لوگ ٹاور کے –زمین سے 350 اور 450 میٹر بلند– دو مشاہداتی ڈیکوں پر آئے تھے — اور 50 ملین سے زیادہ لوگوں نے ابھی تک ٹوکیو سولاماچی کے علاقے کا دورہ کیا ہے۔

ہاشیموتو ایک ہفتے سے زیادہ عرصے سے زمانہ جنگ کی تسکین بخش عورتوں بارے اپنے خیالات ٹویٹ کر رہے ہیں۔

اشی ہارا –جو بذاتِ خود قوم پرستانہ خیالات کی وجہ سے جانے جاتے ہیں– نے کہا کہ 140 حروف والا کلیہ اپنے موقف کی مناسب وضاحت کے لیے مناسب لمبائی کا حامل نہیں۔

اسپورٹس ہوچی ٹیبلائڈ نے اطلاع دی، تاہم ہاشیموتو، جن کے ایک ملین سے زیادہ فالورز ہیں، نے اس تنقید کو کو مسترد کر دیا، اور کہا ٹوئٹر “نقطہ نظر پہنچانے کے لیے ایک اہم اوزار” ہے۔

این ٹی وی نے خبر دی کہ پولیس کے مطابق، یوجی اوباکو نامی اس شخص سے اس وقت تفتیش کی گئی جب مارچ کے شروع میں اس کے بیٹے ریوکو کو ہسپتال لے جایا گیا اور اسے دماغی نقصان کی تشخیص کی گئی۔ ہسپتال کے عملے نے پولیس کو مشورہ دیا کہ بچے کے زخم کی ممکنہ وجہ تشدد بھی ہو سکتا ہے۔

پولیس کی تفتیش کے بعد اوباکو پر الزام لگایا گیا کہ اس نے نومولود کو سر سے پکڑا اور فٹن چٹائی پر زور سے مارا۔ پولیس نے کہا اوباکو نے بچے کو بار بار جھنجھوڑا۔

پولیس نے کہا، اوباکو اور اس کی 27 سالہ بیوی کے ریوکو سے قبل پہلے ہی دو بچے تھے۔ فی الوقت یہ بات نامعلوم ہے کہ اوباکو کے دوسرے بچے بھی حملے یا بدسلوکی کا نشانہ بنے یا نہیں۔

پولیس کی پوچھ گچھ کے دوران اوباکو کے پولیس کو دئیے گئے بیان کے مطابق: “میں غصے میں تھا چونکہ وہ رونا بند نہیں کر رہا تھا”۔

صوبہ میاگی کے ضلع ہیپو، جو فوکوشیما سے ذرا سا شمال مشرق میں واقع ہے، کے 700 کے قریب رہائشیوں نے منگل کو ایک حکومتی ثالثی دفتر میں دعوی جمع کروایا جس میں مطالبہ کیا گیا تھا کہ انہیں فوکوشیما کے رہائشیوں جتنا زرِ تلافی ادا کیا جائے۔

حکومت کی بنیادی زرِ تلافی کی اسکیم صرف فوکوشیما کے رہائشیوں کو کور کرتی ہے، جو ناقدین کے مطابق لاگتیں کم کرنے کی ایک کوشش ہے۔

ہپو کے رہائشیوں نے کہا کہ ان کے علاقے میں تابکاری کے کچھ درجے فوکوشیما کے قصبوں سے بھی بڑھ گئے تھے۔ ہیپو کا ضلع تباہ حال فوکوشیما ڈائچی ایٹمی بجلی گھر سے 50 کلومیٹر شمال مغرب میں واقع ہے۔ کئی ماہ کے مذاکرات کے بعد ٹیپکو نے ہیپو کے رہائشیوں کو فوکوشیما کی رقم کا قریباً نصف ادا کرنے کی حامی بھری تھی۔ ہیپو میں تابکاری کے درجات ایٹمی کارکنوں کی سالانہ تابکاری کی حد سے بڑھ گئے تھے۔

مرکزی بینک نے کہ کہ دنیا کی تیسری بڑی معیشت نے پہلے ہی رفتار پکڑنا شروع کر دی ہے چونکہ سمندر پار معیشتوں میں بحالی کے باعث برآمدات نے گرنا بند کردیا ہے۔

اس نے کہا، “جاپان کی معیشت کے معتدل بحالی کے راستے پر واپس آنے کی توقع ہے، جس کا مرکزی مفروضہ یہ ہے کہ زری نرمی کے ساتھ ساتھ دوسرے اقتصادی اقدامات کے اثرات کی وجہ سے مقامی طلب لچکدار رہے اور بیرونی معیشتوں میں بڑھوتری کی شرحیں آہستہ آہستہ رفتار پکڑیں”۔

تاہم بینک نے تسلیم کیا کہ “جاپان کی معیشت کے بارے میں اب بھی ایک بڑے درجے کی غیر یقینی پائی جاتی ہے، جس میں یورپی قرضوں کے مسئلے اور امریکی معیشت کی بڑھوتری کی رفتار کے ساتھ ساتھ ابھرتی اور اشیاء برآمد کرنے والی معیشتوں کے پہلو شامل ہیں”۔

جاپان جاپان بڑے صنعتی ممالک کے گروپ ایٹ کے رکن ممالک میں سے اکلوتا ملک ہے جس نے 1980 کے ہیگ کنونشن کی توثیق نہیں کی، جو ممالک پر شرط عائد کرتا ہے کہ کہ اغوا شدہ بچوں کو ان کے رہائشی ملک میں واپس بھیجا جائے جہاں وہ عمومی طور پر رہتے تھے۔

سینکڑوں  والدین، جن میں سے بیشتر امریکی، یورپی ہزاروں جاپانی بھی ہیں، اس وقت کسی چارے کے بغیر رہ جاتے ہیں جب ان کے سابق زوج بچوں کو جاپان لے جاتے ہیں۔

مغربی اقوام کی طرح جاپان مشترکہ تحویل کے حق کو تسلیم نہیں کرتا اور  عدالتیں عموماً حکم دیتی ہیں کہ طلاق یافتہ مقدمات کے بچے اپنی ماؤں کے ساتھ رہیں۔ فروری میں وزیرِ اعظم شینزو ایبے نے وائٹ ہاؤس میں امریکی صدر باراک اوباما کے ساتھ بات چیت کے بعد اقدام اٹھانے کا وعدہ کیا تھا۔

ایوانِ بالا نے بدھ کو جاپان کی اس معاہدے میں شمولیت کے حق میں متفقہ طور پر ووٹ دیا، جبکہ قبل ازیں پچھلے ماہ زیادہ طاقتور ایوانِ زیریں اس کی منظوری دے چکا تھا۔

ہاشیموتو نے پچھلے ہفتے کہا تھا کہ عورتوں نے لڑائی سے پریشان حال فوجیوں کو صحیح رکھنے کے لیے “ضروری” کردار ادا کیا، جس نے چین اور شمالی کوریا کی جانب سے غصے اور امریکی تنقید کو دعوت دی۔

ویک اینڈ کے دوران کی جانیوالی دو رائے شماریوں سے عندیہ ملا کہ ہاشیموتو کے موقف سے بہت سے لوگ اتفاق نہیں کرتے، اور یہ کہ معمول کی غیر ملکی تنقید کے باوجود جاپانی عوام اب بھی اپنے جنگجویانہ ماضی کو قبول کرنے میں ناکام رہی ہے۔

ہاشمیوتو نے پیر کو سر نہ جھکاتے ہوئے رائے شماریوں پر جوابی وار کیا، اور ان کے طریقہ کار پر تنقید کی۔

انہوں نے ٹویٹ کیا، “مانیچی نے جس انداز میں رائے شماری منعقد کی وہ بے انصافی پر مبنی تھا”۔

مورچہ بند مئیر نے عورتوں کو جنسی غلامی پر مجبور کرنے، جو ان کے خیال میں غلط تھا، اور فوجیوں کو جنسی گرمی نکالنے کے لیے ایک راستے کی اجازت دینے، جو ان کے خیال میں ضروری تھا، کے مابین امتیاز کرنے کی کوشش کی ہے۔

تین برس قبل یوکوہاما –جس کی آبادی 3.7 ملین ہے– نے ڈے کئیر مراکز میں داخلے کے منتظر بچوں کی تعداد کو صفر تک کم کرنے کا ہدف مقرر کیا تھا۔ اس وقت اس کے پاس انتظاری فہرست میں بچوں کی تعداد 1550 تھی۔

سانکےئی شمبن کے مطابق، پچھلے تین سال سے شہری اہلکاروں نے نجی کمپنیوں کے ہمراہ مل کر کام کیا ہے تاکہ ڈے کئیر مراکز کی تعمیر کے لیے جگہ حاصل کی جا سکے۔ مصروف ٹرین اسٹیشنوں کے قریب پارکنگ لاٹوں میں سہولتی مراکز قائم کیے گئے ہیں۔ اگرچہ کچھ مراکز مکمل طور پر بھرے ہیں، پھر بھی مائیں اپنے بچوں کو ان مراکز پر چھوڑ سکتی ہیں اور انہیں بس کے ذریعے دوسرے ڈے کئیر مراکز میں منتقل کر دیا جاتا ہے۔

یوکوہاما میں بڑی کمپنیاں بھی اس سلسلے میں مدد کے لیے اپنا حصہ ڈال رہی ہیں۔

ٹی بی ایس کی خبر کے مطابق ایک حکومتی اہلکار نے کہا، ولی عہد شہزادی ماساکو، جنہوں نے اس ماہ کے شروع میں ولندیزی بادشاہ ولیم الیگزینڈر کی تاجپوشی میں اپنے خاوند کے ہمراہ شرکت کی تھی، ان کے ساتھ نہیں جائیں گی۔

اپنے دورے کے دوران ولی عہد بادشاہ جوآن کارلوس اور ملکہ صوفیہ کے ہمراہ ظہرانے اور ولی عہد شہزادہ فلیپ اور شہزادی لیٹیزیا کی میزبانی میں ضیافت میں شرکت کریں گے۔

این ٹی وی نے خبر دی کہ پولیس کے مطابق، یوتا ساساکی نامی اس 20 سالہ مشتبہ، جو ریستوران ملازم ہے، نے ایک عوامی ٹیلی فون بوتھ سے پیر کو شام 7:30 بجے کال کی اور کہا وہ کسی کو قتل کرنے جا رہا ہے۔ پولیس نے کہا پچھلے ماہ سے اسی عوامی فون بوتھ سے موت کی دھمکی کی تین کالیں کی جا چکی ہیں۔

پولیس نے کہا، ساساکی نے الزام سے انکار کیا۔

وزارتی اہلکاروں نے پیر کو بتایا، بچوں کی ٹرالیوں سے متعلق موجودہ قوانین جاپان کے مختلف عوامی نقل و حمل کے نظاموں کے آپریٹرز کے حوالے سے بدلتے رہتے ہیں۔

سانکےئی شمبن کے مطابق، وزارت نے متعلقہ وزارتوں، عوامی نقل و حمل کے نظام چلانے والے اداروں اور خاندانی معاونت کے گروہوں سے نمائندوں پر مشتمل ایک کمیٹی تشکیل دی ہے۔ اس کمیٹی کو اختیار دیا گیا ہے کہ قوانین کے ایک سیٹ پر اتفاق رائے پیدا کرے جو چھوٹے بچوں والے والدین کے لیے عوامی نقل و حمل کے نظاموں کو پرکشش بنائیں، جبکہ دوسرے مسافروں کے لیے کم سے کم زحمت پیدا کریں۔

اس وقت کچھ آپریٹر والدین سے درخواست کرتے ہیں کہ ٹرالیوں کو محفوظ کرنے اور حرکت کرنے سے روکنے کے لیے انہیں مقفل کریں یا حفاظتی بیلٹ باندھیں۔ دیگر درخواست کرتے ہیں کہ رش کے اوقات میں انہیں فولڈ کیا ہوا رکھیں۔

فُوجی ٹی وی کے مطابق، پولیس کے مطابق 31 سالہ عورت پر ایک چاقو بردار شخص نے اس وقت حملہ کیا جب وہ صبح 8 بجے کے قریب اپنے بچے کو پیدل اسکول لے جا رہی تھی۔ ایک مقامی رہائشی نے 110 پر کال کی۔ پولیس نے کہا، عورت، جسے اپنی گردن میں چاقو کا زخم سہنا پڑا، نازک حالت میں ہے اور مزید اضافہ کیا کہ وہ حملہ آور کو اپنے سابق شوہر کے طور پر پہچاننے کے قابل تھی۔

پولیس نے کہا خون سے لتھڑا چاقو ایک قریبی پارکنگ لاٹ میں پایا گیا۔ حملے کے قریباً 50 منٹ کے بعد اس عورت کا سابق شوہر ہاتانو میں چار گاڑیوں کے ایک تصادم میں ملوث ہوا، جو عورت پر حملے کی جگہ سے سات کلومیٹر کی دوری پر واقع ہے۔

عورت کے سابق خاوند کو بھی تصادم کے دوران آنے والے زخموں کی بناء پر ہسپتال لے جایا گیا۔ اس کے پولیس کو دئیے گئے بیان کے مطابق اس نے تصادم سے قبل بہت سی خواب آور گولیاں کھائی تھیں۔