ساپورو: ساپورو کی پولیس نے جمعرات کو کہا کہ وہ ایک آدمی کو تلاش کر رہے ہیں جس نے پیر کی سہ پہر چُو وارڈ کی گلی میں چلنے والی ایک طالبہ پر مایونیز پھینکی تھی۔
یہ حملہ شام 8 بجے کے بعد کیا گیا، جب 15 سالہ طالبہ پیدل گھر واپس جا رہی تھی۔ اس دن صبح قریباً 7:40 صبح جے آر ہاسّومو اسٹیشن کے قریب ایک 17 سالہ طالبہ کی پشت پر بھی مایونیز پھینکی گئی تھی۔
پولیس نے کہا کہ اپریل سے اب تک ایسے آٹھ واقعات ہو چکے ہیں جن میں کوئی نامعلوم شخص اسکول کی طالبات کے پیچھے سے آیا اور ان کی پشت پر مایونیز پھینکی۔ تمام واقعات میں لڑکیاں اسکول کی وردی پہنے ہوئے تھیں۔ پولیس نے کہا کہ حملے کے چھ واقعات نیشی 28 کومے سب وے اسٹیشن کے قریب رونما ہوئے۔
حملہ آور کا حلیہ 25 سے 40 سال کے آدمی کا بتایا گیا ہے، قد قریباً 170 سینٹی میٹر، چھوٹے بال اور چشمہ لگائے ہوئے۔
