چیبا:جمعہ کی صبح سودیگاؤرا، صوبہ چیبا میں پولیس کے آگے بھاگنے والی ایک کار دوسری گاڑی سے جا ٹکرائی، جس سے ایک عورت ہلاک ہو گئی۔
ٹی وی آساہی نے اطلاع دی کہ یہ تعاقب رات 12:15 کے قریب شروع ہوا جب ایک پولیس کار نے ایک کار چلانے والے کو کار روکنے کا اشارہ کیا چونکہ وہ اشارہ دئیے بغیر بائیں مڑ گیا تھا۔ پولیس نے کہا کہ ڈرائیور سرخ اشارہ توڑتے ہوئے نکلا اور آنے والی لین میں جا گھسا۔
ٹی وی آساہی کے مطابق، قریباً ایک کلومیٹر کے بعد ڈرائیور نے ایک کار میں ٹکر مار دی جو ایک گیراج کی جانب مڑ رہی تھی۔ اسے معمولی زخم آئے اور اسے موت کی وجہ بننے والی پُر غفلت ڈرائیونگ کے الزام میں حراست میں لے لیا گیا ۔
تعاقب کی جانے والی کار کی مسافر سیٹ پر بیٹھی ایک 48 سالہ عورت کو سر پر زخم آئے۔ پولیس نے کہا، اسے ہسپتال لے جایا گیا جہاں اس کی موت کا اعلان کردیا گیا۔
پولیس نے کہا، ٹکر کھانے والی کار کے ڈرائیور کو بھی شدید زخموں کی وجہ سے ہسپتال لے جایا گیا، تاہم اس کی حالت خطرے میں نہیں تھی۔
