ٹوکیو: پیر کو ٹوکیو میں ایک پبلک پارک میں ایک سوئمنگ پول کے باہر قطار میں کھڑے لوگوں سے آ ٹکرانے والی کار کی وجہ سے ایک شخص ہلاک اور کئی دیگر افراد زخمی ہو گئے۔
ٹی وی آساہی نے بتایا کہ پولیس کے مطابق، کار کے 79 سالہ ڈرائیور نے کار لوگوں میں جا گھسائی جو ہانیمورا کے ایک پارک کی دوسری منزل پر عوامی پول تک رسائی کے لیے قطار میں کھڑے تھے۔ پولیس نے کہا ایک 72 سالہ آدمی ہلاک ہو گیا، ایک 2 سالہ بچے کی ٹانگ ٹوٹ گئی اور تین دیگر لوگوں کو بھی اس واقعے میں زخم آئے۔
پولیس کی پوچھ گچھ کے دوران ڈرائیور نے بیان میں کہا کہ اسے واقعے بارے میں کچھ بھی یاد نہیں اور دعویٰ کیا کہ اسے معلوم نہیں تھا کہ اس کی کار گاڑیوں کے لیے ممنوعہ جگہ میں داخل ہو گئی ہے۔
