ناگویا: پولیس نے کہا، ایک آدمی ہفتے کی صبح ناگویا کے ایک مکان میں داخل ہوا، اور وہاں تین لوگوں کو چاقو مار کر پھر خود کو بھی چاقو مار لیا۔
پولیس کے مطابق، یہ حملہ میزوہو وارڈ کے ایک رہائشی علاقے میں صبح 9 بجے کے قریب رونما ہوا۔ ٹی بی ایس نے پولیس کے حوالے سے بتایا کہ 25 سالہ مشتبہ یوتارو سوگیورا نے مکان کی کھڑکی توڑی اور چاقو لہراتا ہوا اندر داخل ہو گیا۔ اس نے 27 سالہ عورت، اس کی ماں، اور اس کے 80 سالہ دادے کو چاقو مارا۔ اس کے بعد اس نے اپنے سینے میں چاقو گھونپ لیا۔
پولیس نے کہا کہ کوئی زخم جان لیوا نہیں ہے اور کہا کہ وہ سوگیورا کو زخموں سے صحتیابی کے بعد حراست میں لیں گے۔
ٹی بی ایس کے مطابق، پولیس نے کہا سوگیورا، جو بے روزگار ہے، اور مذکورہ عورت آپس میں تعلق کے حامل تھے تاہم بعد میں وہ تعلق ٹوٹ گیا۔ پولیس نے کہا عورت کے والدین نے سوگیورا کے تعاقب کرنے والے رویے کی وجہ سے کئی بار ان (پولیس) سے مشورہ کیا تھا۔
