روزنامه اخبار ، سائیتاما کین جاپان

برصغیر پاک ہند سے پھیلنے والا بکٹیریا جاپان بھی پہنچ کیا

ایڈیٹر — Mon, 06 Sep 2010 18:58:03 +0000

اخبار: نئی قسم کا بکٹیریا این ڈی ایم ون نامی بکٹیریا جس پر که موجودھ زمانے کی تقریبًا ساری جرائم کش ادویات بے اثر ثابت هوئی هیں ، اس کا ایک کیس توچگی کین کے یونیورسٹی ہسپتال دوکیو دائی گاکو میں ایک مریض میں پایا گيا ہے
وازرت صحت کے ترجمان کے سوموار کو دئے گئے ایک بیان کے مطابق جاپان میں یه پہلا کیس هے
این ڈی ایم ون کے بیکٹیریا سے متاثر مریض اس سے پہلے برطانیہ فرانس بیلجیم اور دیگر یورپی ممالک کے علاوھ نارتھ امریکه ممالک کناڈا اور متحدھ ریاست هائے امریکه میں بھی پائے گئے هیں ، ان سب کیسوں میں مشترک چیز یه هے که جو لوگ سستے علاج کے لیے خاص طور پر کاسمیٹک سرجری کے لیے پاکستان اور ہندوستان گئے تھے ان لوگوں میں پایا گیا ہے
یاد رهے که مغربی ممالک مین میڈیا نے یه تاثر قائم کیا هے که پاکستان اور ہندوستان میں علاج سستا هوتا ہے
انسانی پھیپڑے میں کالبسیلا نامی بیماری کا باعث بننے والا یه بکٹیریا وبائی صورت بھی اختیار کردکتا ہے کیونکه اس میں ایک سے دوسرے جسم مين داخل هونے کی صلاحیت ہے
جاپانی وزارت صحت کے کینون کی حکومتوں کو اس معاملے میں چوکنا رہنے کا کہا ہے

جامع مسجد ، یوکوھﺎما کی طرف سے جاری کردھ عید پروگرام معلومات

ایڈیٹر — Sun, 05 Sep 2010 06:00:58 +0000

جامع مسجد ، یوکوھﺎما
Ja’mE Masjid, Yokohama ｼﾞｬ-メ･ﾏｽｼﾞﾄﾞ、横浜
صلٰوۃ عید الفطر
Eid-ul Fitr Prayer
Date: Sep.9 (Thu) or Sep.10 (Fri) 2010
Time: 8:30 AM sharp
Pickup service from Parking till 8:15 (Last Year’s Parking)
۔ 8:15 تک پارکنگ سے مسجد تک جانے کا انتظام ہے ۔
Please bring friends, if come by car.
گاڑیوں سے آنے والے حضرات، دوستوں کو سا ﺗﻬ لے کر آئیں ۔
Separate hall for Ladies is available in Masjid.
مسجد میں خواتین کے لئے الگ ہال کا انتظام ہے ۔
イードｳﾙフィトル礼拝
９月9日(木)　又は　９月10日(金)　8:30 AM
AM 8:15迄駐車場からマスジドまで送迎あります。（昨年と同じ駐車場）
一人一台の来場をご遠慮下さい。女性用スペースが１Fにあります。
For Guidance, please contact (連絡先)：

Mohammad Bashir : 090-3096-3448
Mohammad Huraish : 090-2656-6742
Altaf Ghaffar : 090-3510-2798
Ashiq Hossain: 080-3008-1465

ٹویوٹا کی کامیابی کا راز۔۔ بِلاسودی سرمایہ کاری (نویں قسط

ایڈیٹر — Sat, 04 Sep 2010 22:04:02 +0000

‎عبد الرحمٰن صدیقی صاحب نے مزید ایک مسئلہ

حسین خان ٹوکیو

یہ چھیڑا ہے۔ ۔ ۔ ۔ ۔
‎”لہذا عرض ہے حسین خان اب اپنے مضمون کا رخ چھٹی قسط کے اس جملے کی طرف موڑ دیں اور اس طرف ہی زور دیں٬٬

مجھے ٹویوٹا کی سود خوری کی نہیں بلکہ اپنے مسلمان بھائیوں کی فکر ہے ۔ ۔ ۔ ۔ ۔ ۔ اگر وہ سودی قرضوں کی بجائے ٹویوٹا کی کارپوریٹ فینانسنگ پال

یسی سے سبق لیکر بلا سودی سرمایہ کاری سے کام کریں تو وہ بھی ٹویوٹا کی طرح ۔ ۔ ۔ ۔ ۔ ۔ ۔ ۔ ۔ ۔ کامیاب کاروباری بن سکتے ہیں،، اس سوال کا جواب بنیادی طور پر یہ ہے کہ جتنی چادر اتنے پاوں پھیلائے جائیں کے اصول پر کاروبار کو بلاسودی سرمایہ سے کیا جائے اور اسی حد تک کے اندر کیا جائے جتناکہ بلاسودی سرمایہ مہیا ہو۔ اور بنکوں یا تمسکات کے سودی قرضوں کے ذریعے کاروبار کی توسیع اور ترقی کے طریقے کو ہرگز ہرگز اختیار نہ کیا جائے۔ یہی باتیں ایک مشہورِ زمانہ کاروباری نظریہ میں پوشیدہ ہے۔ اس نظریہ کی تفصیل میں انشاءاللہ اگلی کسی قسط میں پیش کروں گا۔ ٹویوٹا کمپنی بھی شروع ہی سے اس نظریہ پر دانستہ یا غیر دانستہ طور پر چلتی رہی ہے۔ بنکوں کے سودی نظام اور اس کے سودی قرضوں کے رواج پانے سے پہلے دنیا اسی نظریہ پر کاروبار کیے جارہی تھی۔ آج میری اس بات پرلوگوں کو اتنا تعجب ہورہا ہے کہ بعض قا رئین مجھے اسپر نوبل پرائز دینا چاہتے ہیں ۔ ٹویاٹا کی بلا سودی سرمایہ کاری اور اس بنیاد پر اس کی نمبر1تک جانے کی ترقی کو گویا نوبل پرائز کے لائق بات سمجھتے ہیں، حالانکہ بنکوں کے سودی قرضوں کے عام ہونے سے پہلے زمانہ قدیم سے ساری غیر اسلامی دنیا بھی کاروبار زیادہ تر بلاسودی سرمایہ ہی سے کیا کرتی تھی۔ سودی قرضےانتہائی مجبوری میں انفرادی ضروریات کے لیے لینے کا رواج تھا ۔ یہ ساری بحث اس لیے کھڑی ہوگئی کہ زمانہ قدیم سے دنیا کاروباری مقاصد کے لیے سودی سرمایہ استعمال نہیں کیا کرتی تھی،جیسا کہ آج کل اس کا بہت رواج ہوچکا ہے۔ بلاسودی سرمایہ سے کاروبار کرنے کا عام رواج چلا آرہا تھا، ٹویاٹا بھی اسی اصول پر چل رہی ہے تو یہ اتنی کوئی خاص بات نہیں ہے کہ اس کی دریافت کرنے والے کو کسی نوبل پرائز کا مستحق قرار دیا جائے۔ در اصل سودی قرضوں کے بارے میں بنکوں کے نظام نے ہمارے دماغوں کو اب اتنا ماوف کردیا ہے کہ اس کے بغیر کام کرنے والی ٹویوٹا جیسی کمپنیوں کو ہم تعجب سے دیکھنے لگے ہیں۔ ہمارے مسلمان بھائیوں کوبھی اگر ٹویوٹا کی طرح کامیاب ہونا ہے تو سب سے پہلے وہ بلاسودی سرمایہ کاری کا وہ نظریہ اختیار کریں جس پر جدید دور کی ٹویوٹا ہی نہیں بلکہ ساری دنیا زمانہ قدیم سے کاروبار کرتی چلی آرہی ہے۔ زمانہ قدیم میں جوبھی سودی قرضے لیے گئے ہیں وہ سب انفرادی نوعیت کے ہوا کرتے تھے۔ قدیم عراق میں سخت مٹّی کی بڑی بڑی ٹکیوں پرقرض کامعاہدہ لکھا ہوتا تھا ۔ قرض زیادہ تر اجناس کی لین دین کا ہوا کرتا تھا۔ ٹکیہ پر لکھا ہوتا تھا کہ اس ٹکیہ کے مالک کو فلاں شخص فلاں جنس کی کوئی متعین مقدار واپس کرے گا۔ یہ ٹکیاں جدید دور کے تمسّکات کی طرح قابلِ انتقال ہوا کرتی تھیں۔ یعنی ایک دوسرے کو فروخت کی جاسکتی تھیں۔ جس کے قبضہ میں یہ ٹکیہ ہو ، آخر میں وہی ادھار دی ہوئی کسی جنس کی وصولی کا حقدار ہوا کرتا تھا۔ جیسے ادھار لینے والے نے اگر جَو، گیہوں یا چاول کی 300 بوریاں ادھار لیں تو اس پر تقریباً 20 فیصد سود یعنی 60 بوریاں ماہوار اس وقت تک دیتے رہنا پڑتا تھا جب تک کہ اصل ادھار لی ہوئی 300 بوریاں واپس نہ لوٹا دی جائیں۔ دورِ جدید کے ہندو بنیوں سے لیے گئے قرضوں پرسود کے بوجھ سے تنگ آکر بھارت کے لاکھوں کسانوں کی خود کشیوں کی خبریں کبھی کبھی اخبارات میں چھپتی رہتی ہیں۔ انسائیکلوپیڈیا ویکی پیڈیا کی ایک رپورٹ کے مطابق 2002 سے 2006 کے درمیان سالانہ اوسطا 17,500 سے زائد کسانوں نے خود کشیا ں کیں۔ اس کا سلسلہ 1990 کی دہائی سے جاری تھا لیکن بھارتی حکومت ان خبروں کا شروع شروع میں انکار کرتی رہی۔ آندھرا پردیش، مہاراشٹر، کرناٹک ، کیرالا اور پنجاب میں سب سے زیادہ خود کشیاں ہوئیں۔ بھارتی حکومت کےنیشنل کرائم ریکارڈز بیورو ” این سی آربی” کی ایک رپورٹ کے مطابق 2008 میں 16,196 کسانوں نے خود کشیاں کیں۔ اس طرح 1997 سے 2008 تک کل199,132 خود کشیاں ہوئیں۔ اس سے پتہ چلتا ہے کہ صرف دس سال کے مختصر عرصہ میں تقریباً 2 لاکھ کسانوں نے خود کشیاں کیں۔ یہ ساری جانیں اس لیے تلف ہوئیں کہ ان کسانوں نے اپنی ذاتی ، زرعی اور کاروباری ضروریات کے لیے ہندو بنئیوں سے سودی قرض لینے کی ایک دفعہ غلطی کردی تھی جو سود کی وجہ سے اپنی اصل رقم سے بہت زیادہ بڑھتےچلتے گئے۔ زندگی بھر محنت کرکر کے بھی یہ کسان ہندو مہاجنوں کے سودی قرض ادا نہیں کرسکے اور بلآخر خود کشی کر کے ہی ان قرضوں سے جان چھڑا نا پڑا۔ موجودہ ترقی یافتہ دور سے تو پرانا دور ہی زیادہ انسان دوست تھا کیونکہ پرانے دور میں دنیا کے قدیم ترین قانون، جو ” ہامورابی” کے دور میں 1792–1750 قبلِ مسیح میں رائج کیا گیا تھا، کے تحت ہر قرضہ، جو 3 سال کے اندر واپس نہ کیا گیا ہو ،معاف کردیا جاتا تھا۔اس طرح قرضوں کی معافی کے سبب بھارت کے کسانوں کی طرح قرضداروں کو خود کشی کرنے کی نوبت نہیں آتی تھی۔ اس قانون سے سودی قرض دینے والوں کو کوئی فرق نہیں پڑتا تھا، کیونکہ وہ ان 3 سالوں کے دوران اپنی اصل سے بہت زیادہ20 فیصد سود کی شکل میں وصول کرچکے ہوتے تھے۔ بابل کامعروف سودی کاروبار کرنے والے” اِیجیبی” خاندان کی ایسی ہزاروں ٹکیاں دریافت ہوئی ہیں۔ ان سے پتہ چلتا ہے کہ چھٹی صدی قبلِ صدی سے 5 صدیو ں تک یہ خاندان سود خوری کے کاروبار سے اپنے دور میں اس دور کی مناسبت سے موجودہ دورکے بِل گیٹس یا بفیٹ جیسے دنیا کے درجہ اوّل کے دولت مندوں سے بھی بہت زیادہ دولتمند تھا۔ اس خاندان کی یہ ساری دولتمندی انفرادی قرضوں پر سود خوری کی وجہ سے تھی۔ اس دور میں کاروباری مقاصد کے لیے سودی قرضے لینے کا کوئی تصور نہیں تھا۔ یہاں تک کہ ساتویں صدی میں اسلام کے ظہور پذیر ہونے کے وقت تک بھی اس طرح کے قرضوں کا کوئی رواج نہیں تھا۔ اسی وجہ سے بعض عرب علماءنے سود کے لیے قران میں استعمال کی گئی اصطلا ح ’ربا‘ کے مفہوم کو انفرادی قرضوں ” یوشوری” تک محدود کردیا ہے اور بنکوں کے سودی قرضوں کو حلال قرار دیا ہے۔ بعض علماءتجارتی ضروریات کے لیے لیئے گئے بنک کے سود کو حلال اور انفرادی ضروریات کے لیے لیئے گئے سود کو حرام قرار دیتے ہیں۔ ان کے نزدیک اسی سود کو قرانی اصطلاح میں’ ربا ‘کہتے ہیں ، جو انفرادی ضروریات کے لیے لیا گیاہو۔ کاروباری مقاصد کے لیے لیے گئے قرضوں پر دیے جانے والے سود کو ’ربا‘ کی تعریف میں نہیں مانتے۔ بنکوں کے سودی قرضوں کوجن علماءنے جائز قرار دیا ہے۔ ان میں سب سے بڑا نام مصر کےجامعہ اظہرکےریکٹرعلامہ طنطاوی صاحب کا ہے،الیکن ان کو قطر میں مقیم عرب عالم جناب یوسف القرضاوی جیسے کئی عرب علماء نے مناظرہ کا چیلنج دیا، دن تاریخ بھی طےہوگئی لیکن عین موقع پر علامہ طنطاوی رحمت اللہ نےمعزرت کرلی۔ اس معذرت کو انکے موقف کی کمزوری سمجھا گیا۔ آج بھی بنکوں کےسود کو حرام قرار دینے والے علامء کا پلہ بھاری ہے۔ چند گنےچنےعلماء کےبقول بنکوں کا سود قرآنی اصطلاح “ربا ” کی تعریف میں نہیں آتا۔ ان کےنزدیک “ربا ” صرف وہ سود ہے جو انفرادی ضروریات کیلئے لی ہوئی رقم پر لیا جائے۔ انفرادی ضروریات کے لیے گئے سود کے جو مفاسد سامنے آتے ہیں، ان کی وجہ سے اس کے حرام ہونے پر ہر مسلمان کا دل ٹُھکتا ہے،کاروباری ضروریات کے لیے جو سود لیا جاتا ہےاس کے مفاسد اس سے کئی گنا زیادہ ہوتے ہیں۔ لیکن ان مفاسد کا عام طور پر اتنا ادراک نہیں ہےجتنا کہ انفرادی ضروریات والے سود کا ہے۔ بنکوں کےسود کےمفاسد کو سمجھنے کیلئے علمِ معاشیات کا جاننا ضروری ہےجس سے عام آدمی بالعموم محروم ہے۔ ان گنتی کےچند اور محترم علماء سے اپنے حق میں فتویٰ لینے والے کے لیے سواال کرنے والوں نےدانستہ یا غیردانستہ طور پر انہیں بنکوں کے سود کے مفاسد نہیں بتائے ۔
‎جاپان کی 1990 کی دہائی کو ” ضائع شدہ دہائی“ کہا جاتا ہے۔ اس دہائی کے ضائع ہونے کی وجہ جاپان کے ماہرینِ معاشیات جاپانی کمپنیوں کے سودی قرضوں کو قرار دیتے ہیں۔ جاپانی حکومت کےسودی قرضوں کی اس کی جی ڈی پی سےفیصد تناسب دنیا کےہرملک سے اتنا زیادہ ہے کہ جی ٹوینٹی کے سربراہوں کی کانفرنس نے جاپان کو اس تناسب کو کم کرنےکےمعاملہ پر دباو ڈالنے سے گریز کرتے ہوئے جاپانی حکومت پر ہی اس جنجال سے خود ہی نکلنے کی کوئی سبیل نکالنے پر زور دیا اور باقی سب نے اپنے لئے اس کمی کیلئے کوئی نا کوئی ٹارگٹ مقرر کیا ۔ آئی ایم ایف کے 2009 ء کے اعدادوشمار کی بنیاد پر جاپانی حکومت کے قومی قرضوں کا اس کی جی ڈی پی سے تناسب دنیا میں سب سے زیادہ 218٫6 تھا جبکہ امریکہ کا 84٫8 فیصد تھا اور یورپی یونین کا 78٫2 فیصد تھا
‎آئی ایم ایف کے ایک اندازہ کےمطابق 2014 ء میں جاپان کے سودی قرضوں کا تناسب بڑھ کر 245 فیصد ہوجائے گا ۔ انشاءاللہ میرے آئندہ مضامین میں اس پر تفصیلی روشنی ڈالوں گا کہ حکومت جاپان ان سرکاری تمسکات کےسودی قرضوں کےنتیجہ میں کن کن ناقابلِ حل مشکلات کا شکار ہےجو اس کی معیشت پر تباہ کن اثرات ڈال رہے ہیں ۔ اسی طرح 2008ء سے اب تک جس عالمگیر کساد بازاری نے امریکہ کے مکانات کے سودی قرضوں پر فروخت شدہ مارٹگیجز کے دیوالیوں سے شروع ہوکرامریکہ کی ایک بڑی بنک ” لے مین برادرز” کے دیوالیہ کا سبب بنی ، ان سارے مفاسد کی بنیاد بھی بنکوں کے سودی قرضے ہیں۔ اس کساد بازاری نے یورپ اور ساری دنیا کو اپنی لپیٹ میں لے لیا ہے، یورپ میں توآئس لینڈ اور آئر لینڈ کےبعد یونان اسپین پرتگال وغیرہ بعض پورے کے پورے ملک بھی بنکوں کے سودی قرضوں کے بوجھ تلے دیوالیہ کو سرحد کے قریب پہنچ چکے ہیں۔ انھیں بچانے کے لیے امریکی صدر اوباما یورپ والوں کو تلقین کررہے ہیں کہ وہ بھی سب اپنی اپنی معیشت کی بحالی کیلئے امریکہ کے 70 بلین کے ” اسٹیمولز” پروگرام کی مثال کو سامنے رکھتے ہوئے یورپ بھی کساد بازاری کو روکے اور ان مقروض ملکوں کو بھی دیوالیہ سے بچائے۔ پوری یوروپین کمیونٹی اس مقصد کیلئےاٹھ کھڑی ہوئی ہے۔ ویسے تو سودی قرضوں سے پورے کے پورے ملک کس طرح تباہ و برباد ہوئےاس کی بےشمار مثالیں تاریخ میں ملتی ہیں ۔ 1920ء کی دہائی میں ” وی مار” جرمنی جس بری طرح انتہائی مہنگائی “ہائپر اِنفلیشن ” کا شکار ہوا۔ وہ سودی قرضوں کی لعنت کو آشکارا کرنے کیلئے کافی ہے۔
‎ابھی چند سال پہلے 1998 ء میں روس نے اور 2001 ء میں ارجنٹائین نے اپنے دیوالیہ کا اعلان کیا کیونکہ ان دونوں ممالک کے ٹیکسوں کی آمدنی اتنی نہیں تھی کہ یہ سودی قرضوں کی اصل نہیں تو کم ازکم سود ہی سالانہ ادا کرسکتے ۔ اب بھی پاکستان اور دیگر کئی ترقی پذیر ممالک کے بجٹ کا ایک بیشتر حصہ سود خوروں کی تجوریاں بھرنے کیلئے استعمال کرنا پڑتا ہے۔ ایسے ممالک کیا معاشی ترقی کریں گے جو اپنی ٹیکسوں کی آمدنی اپنے ملک کی تعمیر و ترقی پر خرچ نہیں کرسکتے۔ اپنی آمدنی کا بیشتر حصہ تو سود کی ادائیگی میں دےکر اپنی اقتصادی ترقی کیلئے بار بار نئے سودی قرض لینے پر مجبور ہوتے ہیں۔ روس اور ارجنٹائن دوبارہ اقصادی ترقی کی راہ پر اسی وقت گامزن ہوسکے جب انہوں نےاپنے آپ کو سودی قرضوں کی لعنت سے آزاد کیا ہے۔ بالکل اسی طرح جیسے جنرل موٹرز اب کافی منافع پر اسی لئے چلنے لگی ہے کہ اس نے اپنا دیوالیہ نکال کر اپنے آپ کو سودی قرضوں سے اور اپنے کاروباری منافع کو سود کی ادائیگی کی نجاست سے آزاد کیا ہوا ہے۔
‎انفرادی ضروریات کے لیے لیئے گئے سود سے تو بھارت کے کسانوں کی طرح کئی جاپانی بھی خود کشی پرمجبور ہوجاتے ہیں۔ اس طرح عشری کی لعنت تو واضح ہو جاتی ہے لیکن بنکوں کے سود سے تو پورے کے پورے ملک اور ان کی معیشت تباہ ہوجاتی ہے۔ تعجب ہے مغربی تہذیب و تعلیم اور اس کے اقدار کے پرستار ان مسلمان ذہنی غلاموں پر جودنیا میں اس قدر تباہی مچانے والے بنکوں کے سود کوجائز اور حلال کرنے کی تعبیریں ڈھونڈھ رہے ہیں ۔اور بعض عرب علماءکی سادگی کو اپنی مغربی اقدار کی ذہنی غلامی کے لیے جواز حاصل کرنے کے لیے استعمال کرنے کی کوشش کررہے ہیں۔یہ کیسے ہوسکتا ہے کہ انفرادی زندگیوں کو تباہ کرنے والے سود کو تو اللہ تعالیٰ حرام قرار دے اور پورے پورے ملکوں کی معیشت اور کروڑوں، اربوں انسانوں کو نقصان پہنچانے والے سود کو حلال کردے۔ اس لیے اکثر علماءکے نزدیک قرانی اصطلاح ’ربا‘ کے معنوں میں انفرادی عشری کے علاوہ بنکوں کا سود بھی شامل ہے، اگرچیکہ اس کا رواج ظہورِ اسلام کے 6 صدیوں بعد تیرھویں صدی میں اٹلی سے شروع ہو ا اور اب 21 ویں صدی میں اپنے شباب پر ہے۔ تقریباً ایک سو سال پہلے بھی اس کا رواج نہیں تھا جب ٹویوٹا کے موجودہ صدر آکی اُو تویوداکے پردادا ساکی چی تویودا نے 20 ویں صدی کے اخیر 1893 ء میں پہلے لکڑی کی اور پھر خودکار کپڑابننے کی خودکار لومز ایجاد کر کے اپنے کاروبار کو توسیع و ترقی دینی شروع کی تھی اور جس کے آٹوموبائیل شعبہ کی ابتداءان کے لڑکے ،موجودہ صدر کے دادا کی اچی رو تویودانے 1933 میں شروع کی تھی۔ اسی بلاسودی سرمایہ سے کاروبار کرنے کے رواج اور روایات کے دور میں موجودہ ٹویوٹا نے 1937 میں جنم لیا ہے، جو اسی فلسفہ اور نظریہ سرمایہ کاری پر چل کر آج دنیا کی نمبر ایک موٹر ساز کمپنی بن گئی ہے۔ مغربی تعلیم و تربیت کے زیرِ اثر احساسِ کمتری کا شکار مسلمانوں نے ان علماءکو اپنے مطلب کا معاملہ کا صرف ایک پہلو بتایا ہے اور اس ایک پہلو کو سامنے رکھ کر ان سے اپنے حق میں فتویٰ مانگا ہے۔ ایک تو یہ کہ جدید بنکنگ اس کے بغیر نہیں چل سکتی اور دوسرے یہ کہ مسلمان بنکوں سے سودی قرضے نہ لیں تو کاروباری معاملات میں ہمیشہ غیر مسلموں سے پیچھے رہیں گے جو بنکوں سے بڑے بڑے قرضے لے کر بڑی تیزی سے اپنے کاروبار کو بڑا کرکے مسلمان کاروباری لوگوں کو اپنا دست نگر بنانے میں کامیاب ہوجاتے ہیں۔ یہ دونوں باتیں غلط ہیں۔ اس طرح کی غلط باتیں علماءکو باور کروا کے ان سے لوگوں نے سودی قرضوں کے حق میں فتوے حاصل کیے ہیں۔ علماءبیچارے کوئی معاشیات کے اِسکالر تو نہیں ہوتے، فتویٰ لینے والا جو پہلو ان کے سامنے رکھ دے ،وہ اس کی بنیاد پر اپنی رائے کا اظہار کردیتے ہیں۔ اگر انھیں یہ بتایا جائے کہ آپ کوجو باتیں باور کرائی گئیں ہیں وہ غلط ہیں اور یہ کہ بنکوں کے سود کے مفاسد اس سے کئی گنا زیادہ ہیں جو انفرادی سود کی صورت میں ہوتے ہیں تو یقینا ایسے علماءاپنی رائے سے رجوع کرلیں گے۔ میرا مسلک وہی ہے جو ہند و پاک کے اکثر و بیشتر علماءکا ہے۔ مولانا مودودی ؒ اور دوسرے بہت سارےعرب اور ہند وپاک کے علماءکا مسلک یہ ہے کہ کاروباری ضروریات کے لیے بنکوں اور تمسّکات کے قرضوں کے سود کو بھی قران و حدیث کی اصطلاح ’ربا‘ میں شامل کرکے علماء اسلام کی عظیم اکثریت اسے بھی حرام قرار دیتی ہے۔ بنک اور تمسُّکات کا سود حرام ہے یا نہیں ہے، اس بحث سے قطع نظر یہ دیکھیں کہ سودی قرضوں سے کام کرنے والی کمپنیوں کا زیادہ تر انجام دیوالیہ ہے اور اگر دیوالیہ سے بچ بھی گئیں تو بلاسودی سرمایہ والی اسی لائین والی کمپنی سے مسابقت کی دوڑ میں جیت نہیں سکتیں۔ اس لیے حرام یا حلال کی بحث میں پڑنے سے پہلے دنیوی طور پرفائدہ مند یا نقصان دہ ہونے کے نقطہ نظر سے دیکھا جائے ،تب بھی سودی قرضوں کی پالیسی نقصان دہ اور بلاسودی سرمایہ کی پالیسی فائدہ مند نظر آئےگی۔ میرے موجودہ ٹویوٹا کے مضامین کے سلسلہ کا یہی ایک بڑا مقصود ہے کہ سودی قرضوں کے بغیر بھی ٹویوٹا جیسی کمپنی گاڑیوں کی لائین میں سب سے بڑی اور سب سے مسابقت میں آگے نکلنے والی کمپنی بن سکتی ہے۔
‎ٹویوٹا کی کامیابی کی مثال کو مسلمان سامنے رکھیں تو بلاسودی سرمایہ کاری کے نظریہ کی کامیابی سامنے آتی ہے۔کاروباری مقاصد کے لیے اگر بلا سودی سرمایہ کاری ایک کامیاب نظریہ ثابت ہوسکتا ہے تو ہمیں کیا پڑی ہے کہ ہم بنکوں اور تمسکات کے سود کو بھی حلال کرنے کی تعبیریں نکالیں ۔ اسکے برعکس ہمیں یہ خود اعتمادی پیدا کرنی چاہیے کہ اگر بنکوں کے سودی قرضوں کو بھی قرانی اصطلاح ’ربا‘ میں شامل کرلیا جائے تو مسلمان بہت سارے مفاسد سے بچ کر ٹویوٹا کی طرح کامیاب بزنس کرسکتے ہیں۔
‎(آپ چاہیں تو مزید سوالات، اعتراضات اوراچھے یا برے، تنقید یا تعریف کے تبصرے درجِ ذیل ای میل پر بھیج سکتے ہیں)
‎(جاری ہے) Contact: cj@ourquran.com

مسجد محمدیہ معصومیہ ایسا ساکی ميں محفلِ ختم قران پاک

ایڈیٹر — Sat, 04 Sep 2010 11:05:31 +0000

مسجد محمدیہ معصومیہ ایسا ساکی ميں محفلِ ختم قران پاک

ساجد خان کی ارسال کردھ ایک میل ، مختلف ممالک کی زنانہ افواج

ایڈیٹر — Fri, 03 Sep 2010 20:41:47 +0000

روسی آرمی

اسرائیل آرمی

ہندوستانی آرمی

امریکن آرمی

برازیلین آرمی

کورین آرمی

چینی آرمی

اور اخر میں بہتر ترین آرمی

!

پاکستانی آرمی

غیر ملکی رهائشیوں کو زبان سیکھنے کے لیے جاپانی حکومت مدد کرے گی

ایڈیٹر — Tue, 31 Aug 2010 18:31:40 +0000

اخبار:ٹوکیو منگل کے روز سامنے آئے ایشو کے مطابق ، حکومت جاپان ميں میں مستقل رہائش پزیر غیر ملکیوں کو زبان سیکھنے کے لیے مدد کرے گی تاکه وھ لوگ بہترطور پر معاشرے میں مدغم هو سکیں ،کیوکہ دیکھا گیا هے که زبان پر عبور ناں هونے کی وجہ سے لوگوں کو نوکری کی تلاش میں بھی مشکلات اتی هیں اور روز مرھ کے کاموں میں بھی دقت پیش آتی هے .
اس کے لیے ایک حل یه سوچا گیا ہے که جاپانی سکھانے والے استادوں کی مزید ٹرینگ کی جائے اور مختلف زبانوں مين کونسلیگ کا کام بھی جاری رکھا جائے خاص طور پر غیر ملکیوں کو پنشن اور اور ادویات کے حصول کے کام میں مدد کی جائے.حکومتی ترجمان کے مطابق یه منصوبہ ٢٠١٢ تک لاگو هو جائے گا.

ایسے ساکی کی مسجد معصومیه میں روحانی پروگرام

ایڈیٹر — Tue, 31 Aug 2010 17:57:08 +0000

[سلائڈ شو دیکھیں]

[View with PicLens]

جاپان کے جاسوس سیٹلائیٹ میں نقص پیدا

ایڈیٹر — Sun, 29 Aug 2010 18:34:07 +0000

اخبار: ٹوکیو حکومتی ذرائع کے مطابق جاپان کے چار جاسوس سیٹلائیٹ جو که زمین کے مدار میں میں حرکت کررهے هیں ، ان میں سے ایک میں نقص پیدا هو گیا هے اور یه سیٹلائیٹ سوموار کے روز سے کارگردگی نہیں دیکھا رها هے
سیٹلائیٹ انٹیلیجنس سنٹر کا نمبر دو ریڈار سیٹلائیٹ جو که ٢٠٠٧ سے فروری کے مہینے ميں زمین کے مدار میں چھوڑا گیا تھا اس ميں نقائص کی نشاندھی هوئی ہے جیسا که پاور سپلائی کے متعلقہ نقائص بتائے جاتے هیں
باقی کے تین سیٹلائیٹ لینز کام کررهے هیں ، جاپان نے یه جاسوس سیٹلائیٹ زمین کے مدار میں شمالی کوریا کی فوجی سرگرمیوں پر نظر رکھنے لیے زمین کے مدار میں چھوڑ رکھے هیں ، ان سیٹلائیٹ کے ذریعے شمالی کوریا کی جاسوسی کا فیصله ١٩٩٨ کے شمالی کوریا کے میزائل چھوڑنے پر کیا گیا تھا جو که جاپان کی فضا سے گزرتا هوا بحر اوقیانوس میں گرا تھا، تاکه شمالی کوریا پر نظر رکھ جا سکے .

جدید تھری ڈی ٹی وی ، صرف دیکھائے گا هی نهیں ، چھونے کا احساس بھی دے گا

ایڈیٹر — Fri, 27 Aug 2010 19:54:44 +0000

اخبار؛ نیشنل انسٹیوٹ اف ایڈوانس انڈسٹری سائنس اینڈ ٹیکنالوجی نے ایک نئے سہ جہتی عکس دیکھانے والے ٹی وی کا بتایا هے جس میں ناظر ناں که عکس کو دیکھ سکے گا بلکه اچھل کر سکرین سے نکلے هوئے کو چھونے کا بھی احساس هو گا
ناظر جب کسی تصویر کو چھونے کی کوشش کرے گا تو ٹی مین لگے چھ کیمرے اور دوسرو سنسر اس کی انگلیوں میں ایک ارتعاش پیدا کریں گے
مثلاً اگر ایک دیکھنے والا کسی عکس کو پکڑنے کی کوشش کرے گا تو اس کو ایسا احساس هو گا که اس کا هاتھ کسی ٹھوس چیز کو چوھتا هوا گزر گيا هے
سہ جہتی عکس سکارین سے ابھر کر ناظر کے سامنے ساخت کی تبدیلی کے عمل سے بھی کزر سکیں کے که جیسا که ایک گول گیند چوکور ڈبا بن کے گر جاتی هے
زمین کا گولا سکرین سے ابھر کر ایک نرم ربڑ کی طرح پھیل جاتا هے
انسٹیوٹ میں هیڈ ریسرچر جناب ناکامورا نوریو نے کهاہے که اس تکنیک سے ویڈیو گیم اور ڈاکٹری استعمال کے کاموں میں بھی لایا جائے گا

پراسرار، سزائے موت کا جاپانی نظام، پریس کو دیکھنے کی اجازت

ایڈیٹر — Fri, 27 Aug 2010 19:18:20 +0000

اخبار؛ ٹوکیو یهاں جمعے کے روز وزارت انصاف نے صحافیوں کی جیل میں سزائے موت کے کمروں کو دیکھنے کی اجازت دی هے ، جهاں وزیر انصاف محترمہ چیبا کے ایکو کی زیر نگرانی رپوٹروں کو ان کمروں کی متحرک اور ساکت تصویریں بنانے کی اجازت دی گئی
تیس منٹ کے اس دورے میں رپوٹروں کو پانچ کمرے دیکھائے گئے ، جن میں بٹن روم بھی شامل تھا،
جابان کا سزائے موت دنے کا عمل ہمهشہ سے ایک پراسرار چیز رهی ہے جس پر میڈیا بشمول بیرونی میڈیا بھی تنقید کرتے رہے هیں که دنیا کو اس عمل کا جائیزھ لینے کی اجازت هونی چاهیے
اس دفعه بھی یه اجازت صرف جاپانی میڈیا کو دی گئی هے غیر ملکی میڈیا کی درخواست کو واصع وجه بتائے بغیر مسترد کردیا کيا ہے
وزارت انصاف نے میڈیا کو وھ کمرھ جہاں لاش وارثین کو دی جاتی هے میڈیا کو نهیں دیکھایا، اس کے علاوھ جیل میں پھانسی گھاٹ کی لوکیشن کو میڈیا سے چھپایا گیا هے ، کیونکه اس سے سکویرٹی کے مسائیل پیدا هونے کا امکان ہے

ٹوکیو الیکٹرک کے پرانے ایٹمی ری ایکٹر میں موکس فیول کی بھرائی کردی گئی

ایڈیٹر — Sun, 22 Aug 2010 08:44:39 +0000

اخبار: فوکوشیما سے ملی اطلاعات کے مطابق ٹوکیو الیکٹرک کمپنی نے اپنے فوکوشیما والے ایٹمی ری ایکٹر میں پوٹونیم اور یورینم کے مکس فیول کی بھرائی کردی ہے ،
فوکو شیما ایٹمی پلانٹ کے ایک نمبر پکانٹ کے ٣نمبر ریایکٹر جاپان کا تیسرا ایٹمی پلانٹ هو گا جس مين پوٹونیم اور یورینم کے مکس اوکسائیڈ فیول کو استمال کیاجارها ہے
اس سے پہلے کیشوش الیکٹرک کمپنی کے ساگا کین کے ایٹمی پلانٹ اور شی کوک ایکٹرک کمپنی کے ای ہےمے کین والے ایکاتا ایٹمی پلانٹ میں یه فیول استعمال هو رها ہے

پاکستان کی مدد کے لیے جاپانی فوجیوں کی روانگی

ایڈیٹر — Sat, 21 Aug 2010 19:41:49 +0000

اخبار:جاپان کے حکومتی ترجمان نے بتایا ہے که پاکستان میں فلڈ کے متاثرین کی مدد کے لیے پچاس فوجیوں کا ایک گروپ هیلی کاپڑوں کے ساتھ ہفتے کے روز پاکستان کے لیے روانہ هو گیا هے، جاپانی فوج کا یه امدادی گروپ اتوار کے روز پاکستان پہنچ جائے گا جہان یه لوگ ملتان کے قریب متاثرین کی مدد کا کام کریں گے، ہیلی کاپٹر سوموار کے روز پہنچیں گے
وزیر دفاع کیتازاوا توشیمی نے جمعےکے روز ایک حکم جاری کیا هے جس کے تحت چھ ہیلی کاپٹر اور ٥٣٠ جاپانی ڈفینس فورس کے ممبران پاکستان کی امداد کو پہنچیں گے
ان جاپانی فوجیوں کے پاس کوئی اسلحہ نہیں هو گا، ان لوگوں کی حفاظت کے لیے پاک فوج پر انحصار کیا جائے گا
جاپانی ہیلی کاپٹر دوہزار پانچ کے بعد پہلی بار ملک سے باہر جارهے هیں ، پچھلی دفعه بھی جاپانی ہیلی کاپٹر پاکستان کے لیے هی ملک سے باهر گئے تھے ، پچھلی دفعه یه هیلی کاپٹر زلزله زدگان کی مدد کے لیے باهر گئے تھے
یاد رهے که جاپان کی پاکستان کے لیے اس امدادی کاروائی کے لیے جاپان میں دھوم مچانے والی پاکستانی سیاسی پارٹیوں میں سے کسی سیاسی پارٹی کا کوئی عمل دخل نہیں ہے

شعیب بھائی کیریو والے کے مرحوم بیٹے کی نماز جنازھ

ایڈیٹر — Sat, 21 Aug 2010 11:13:21 +0000

آج مورخہ ٢١ آکست بروز ہفتہ جامع مسجد محمدیه معصومیه ایسا ساکی ميں ایک پاکستانی بھائی شعیب احمد کیریو والے کے لخت جگر بعمر تین ماھ کی نماز جنازھ ادا کی گئی جسے بعد میں دفن کے لیے مہر محمد اکرم محمد اصغر بھنڈر اور راشد بھائی کی معیت میں قبرستان تدفین کے لیے بجھوایا گيا
تمام بھائیوں سے دعا کی اپیل کی جاتی ہے اس نماز جنازھ کے انتظام ميں جناب عبدالحفیظ بھائی نے بے مثال　 تعاون کا مظاہرھ کیا الله ان کو مزید دین کی خدمت کی توفیق عطا فرمائے
آمین

عالم اسلام کے نامور قاری استاد ذالقراء قاری سید صداقت علی ٢٦ آگست کو جاپان کے دورھ پر تشریف لا رهے هیں ،

ایڈیٹر — Sat, 21 Aug 2010 11:12:53 +0000

عالم اسلام کے نامور قاری استاد ذالقراء قاری سید صداقت علی ٢٦ آگست کو جاپان گے دورھ پر تشریف لا رهے هیں ،
اپ تویاما ، نیگاتا، توچیگی ، سائیتاما ، گنماں میں تلاوت قران پاک اور نعت مبارکہ سے عاشقان مصطفی کو قلبی اور روحانی سکون عطافرمائیں گے
اپ کا یه دورھ ایک ہفتے پر محیط هو گا
اس سلسلے مي ٢٩ آگست بروز اتوار بوقت افطار آپ جامع مسجد محمدیہ معصومیه ایسا ساکی گنماں کین میں تشریف لائیں گے
تمام حضرات کو خصوصی دعوت دی جاتی ہےکه اس پاکیزھ اور روحانی محفل میں شرکت فرمائیں
متمنی شرکت
محمد خاورصدر مسجد ہذا

ٹویوٹا کی کامیابی کا راز۔۔بِلاسودی سرمایہ کاری(آٹھویں قسط)

ایڈیٹر — Sat, 21 Aug 2010 10:59:02 +0000

ٹویوٹا کی کامیابی کا راز۔۔بِلاسودی سرمایہ کاری
(آٹھویں قسط)
میں تو اس کے سودی لین دین ہی سے یہ ثابت کررہا ہوں کہ اس کی سرمایہ کاری کا سارا سرمایہ بلاسودی ہے۔ اس بات کو اچھی طرح سے سمجھ لیں تو یہ اعتراض پیدا نہیں ہوتاجوبار بار نئے نئے الفاط میں مختلف قارئین کی طرف سے کیا جارہاہے۔ میں اس جملہ کو دوبارہ دہراتا ہوں کہ میں ٹویوٹا کے سودی لین دین ہی سے یہ ثابت کررہا ہوں کہ اس کی سرمایہ کاری کا سارا کام بلا سودی ہے۔ وہ کیسے؟
حسین خاں ۔ ٹوکیو
قارئین کی دلچسپی کا شکریہ اور مترجم طاہر مجید صاحب کا بھی۔
میرے لیے یہ امر اللہ تعالیٰ کاشکر ادا کرنے کاموجب بھی ہے اور باعثِ مسرت بھی کہ جاپان کے علاوہ دوسرے ملکوں، خصوصاً اسپین اور امریکہ میں بھی کچھ دوست مضامین کے اس سلسلہ کا بڑی دلچسپی سے مطالعہ کررہے ہیں اور مجھے اپنے سوالات اور اعتراضات سے نواز رہے ہیں، جو بنیادی طور پر کچھ غلط فہمیوں کی وجہ سے پیدا ہوئے ہیں۔ ساتھ ساتھ طاہر مجید صاحب کا بھی میں تہہِ دل سے شکریہ ادا کرتاہوں کہ انھوں نے میرے ان مضامین کو اس لائق سمجھا کہ اسے انگریزی داں طبقہ تک بھی پہنچایا جائے اور اس نیک جذبہ کے تحت اپنی گوناگوں مصروفیات کے باوجود ان مضامین کے انگریزی ترجمہ کا بیڑہ اٹھایا اور اس ترجمہ کی دو قسطیں بھی شائع ہوچکی ہیں۔ اللہ تعالیٰ ان کے اس فی سبیل اللہ کام و محنت کے لیے انھیں جزائے خیر مرحمت فرمائے۔ اٰمین۔
جاپان میں ہمارے سفارت خانہ میں سفیرِ پاکستان کے بعد نمبر کادرجہ رکھنے والے ، Head of Chancery ،محترم امتیاز احمد صاحب، جو سفیر کی غیرموجودگی میں کافی عرصہ تک جاپان کے پاکستانی سفیر کے فرائض بھی ادا کرچکے ہیں، کی دلچسپی کا ذکر کرنا اور ان کا شکریہ ادا کرنا بھی ضروری ہے۔ اس کا پسِ منظر یہ ہے کہ سفارتخانہ کی مختلف پارٹیوں میں ملاقات کے دوران امتیاز صاحب اکثر مجھ سے یہ کہا کرتے تھے کہ میں مختلف موضوعات پر کالم لکھتا رہتا ہوں لیکن اپنے تعلیمی اختصاص کے موضوع معاشیات پر کیوں نہیں لکھتا؟میں نے انھیں یہ نہیں بتایا کہ میری ایک کتاب اس موضوع پر’’سوشلزم اور معاشی ترقی‘‘ کے نام سے چھپ چکی ہے ، جس کی مولانا مودودی نے بھی پروفیسر خورشید صاحب کے نام ایک خط میں تعریف لکھی ہے۔ یہ خط ’’ خطوطِ مودودی‘‘ نامی ایک کتاب میں چھپ چکاہے۔میں نے شاید انھیں یہ بھی نہیں بتایا تھا کہ معاشی مسائل پر میرے کافی مضامینsia Times اور کراچی کے DAWN وغیرہ میں اور ان کے حوالہ سے Asian Development Bank کے انٹر نیٹ میگزین میں بھی چھپ چکے ہیں جو Google اور Yahoo میں میرے نام سے ڈھونڈھے جائیں تو اب بھی پڑھے جا سکتے ہیں۔امتیاز صاحب نے مجھے بتایا کہ جیسے میں نے ٹوکیو یونیورسٹی سے معاشیات میں ایم۔اے کیا ہے ،اسی طرح انھوں نے بھی لندن سے معاشیات میں ایم۔ اے کیا ہے۔ان کے بار بار احساس دلانے کی وجہ سے میرے لاشعور میں یہ خیال پیوست ہوگیا کہ مجھے معاشی مسائل پر بھی کچھ نہ کچھ اردو میں بھی لکھنا چاہیئے۔میں نے امتیا ز صاحب کو تو یہ جواب دیا کہ مذہبی، پاکستانی اور بین الاقوامی حالاتِ حاضرہ پر سرسری مطالعہ سے اخباری کالم لکھنا آسان ہے ،لیکن معاشی مسائل پر لکھنے کے لیے کافی Data اور اعداد و شمار کی ضرورت پڑتی ہے جو خاصی سنجیدہ اسٹڈی ہی سے حاصل ہوسکتے ہیں۔ ایک اور دوست نے میری ایک اور غلط فہمی بھی دور کردی کہ اردو زبان کے پڑھے لکھے قارئین کو زیادہ تر لفّاظی یا جذبات نگاری کے کالم ہی پڑھنے کو ملتے ہیں۔ انگریزی اخبارات و رسائل جیسے معیاری مضامین بہت کم نصیب ہوتے ہیں، اور اگرکہیں مل جائیں تو بڑے شوق اور دلچسپی سے پڑھیں گے۔ٹویوٹا سے متعلقہ میرے موجودہ مضامین کے سلسلہ کو مختلف ممالک میںپڑھا لکھا اردو داں طبقہ جس دلچسپی سے پڑھ رہا ہے ، اس سے یہ پتہ چلتا ہے کہ علمی اور تحقیقی مضامین کی اردو داں طبقہ میں خاصی طلب موجود ہے۔
قصہ مختصر یہ کہ میرے ٹویوٹا سے متعلقہ مضامین لکھنے میںامتیاز صاحب کے اس اصرار کا بڑا دخل ہے کہ میں معاشی موضوعات پر کچھ لکھتا رہوں۔ یہ خیال انھوں نے میرے لاشعور میں پیوست کردیا تھا جو اب رنگ لارہا ہے۔ اس بات کے شکریہ کے ساتھ ساتھ ان کا دوسرا شکریہ میں انھیںجس بات کا ادا کرنا چاہتاہوں، اس کی تفصیل یہ ہے کہ الیکشن کمیشن کی طرف سے پاکستان ایسوسی ایشن کی حلف برداری کی تقریب میں امتیاز صاحب سفارت خانہ کی نمائندگی کرنے کے لیے سفیر کے بدلہ میں معزز مہمان کے طور پر آئے ہوئے تھے۔ میں ان سے کچھ دور بیٹھا ہوا تھا۔یہ اپنی جگہ سے اُٹھ کر میرے پاس خاص طور پر تشریف لائے۔میرے ٹویوٹا کے مضامین پر مجھے مبارکباد دی اور بتایا کہ انھوں نے میری بعض قسطیں دو دو بار پڑھی ہیںاور یہ کہ وہ اس سلسلہ میں مجھ سے کچھ Discuss کرنا چاہتے ہیں۔ میں نے کہا ضرور۔دونوں معاشیات کے بندے ایک ساتھ کہیں بیٹھ کر بات کریں گے تو اس موضوع کے کچھ اور اچھے پہلو سامنے آئیں گے۔ ان کی یہ دلچسپی میرے لیے باعثِ عزت افزائی ہے جس کے لیے میں ان کا شکر گذار ہوں۔
بار بار دہرائے جانے والا ایک مشکل سوال
پچھلی قسطوںمیں میری وضاحتوں کے باوجودامریکہ اور جاپان کے بعض قارئین کا اعتراض ابھی تک قائم ہے کہ ٹویوٹا میرے اعتراف کے مطابق سودی لین دین کا کام کرتی ہے تو میں اس کو بلاسودی سرمایہ کاری کیسے قرار دے رہا ہوں؟انھیں یہ غلط فہمی ہوگئی ہے کہ میں ٹویوٹا کے سارے کاروبار کو بلا سودی قرار دے رہا ہوں۔میں اس کے سارے کاروبار کو نہیں بلکہ اس کے بلاسودی سرمایہ کاری کے شعبہ کو اسلامی تعلیم سے مطابقت رکھنے والی ٹویوٹا کی حکمتِ عملی کہہ رہا ہوں۔
ٹویوٹا والوں نے بھی یہی سوال کیا تھا۔ٹو یوٹا میں کام کرنے والوں کی تعداد 3 لاکھ سے زیادہ ہے۔ اسٹاف کے ہر آدمی کو نہ تو یہ معلوم ہے اور نہ ہی وہ یہ معلوم کرنے میں کوئی دلچسپی رکھتا ہے کہ سودکے ہونے نہ ہونے سے کیا فرق پڑتا ہے؟ سرمایہ کاری سودی ہے یا بلاسودی ہے، اس سوال سے ٹویوٹا کے عام ملازمین کو اس طرح کا کوئی سروکار نہیں ہے جیسا کہ قران و حدیث میں حرمتِ سود کی انتھائی سختی کی وجہ سے ہمیں بحیثتِ ایک مسلمان کے ہے۔ وہ تو میرے جواب سے مطمئن ہوگئے تھے بلکہ خوش بھی ہوئے تھے اور ہر قسم کے تعاون کا وعدہ بھی کیا ہے ، لیکن بعض قارئین ابھی تک مطمئن نہیں ہیں ۔ شاید میری اب تک کی وضاحتوں میں کوئی تشنگی باقی رہ گئی ہے۔
سودی لین دین کرنا اور بلاسودی سرمایہ کاری دو الگ الگ نوعیت کے کام ہیں ۔ٹویوٹاکے سودی لین دین کومیں نے کبھی بھی کہیں بھی نہ حلال قرار دیا ہے اور نہ ہی اس کو متبرک یا کوئی ’اچھا‘ کام قرار دےا ہے ۔ یہ اس کا ایک الگ شعبہ ہے اور سرمایہ کاری ایک دوسرا شعبہ۔ میں ٹویوٹا کے سارے کاروبار کو بلاسودی نہیں کہہ رہا ہوں۔ میں اس کے سرمایہ کاری کے کام کو بلاسودی کہہ رہا ہوں۔ ان دونوں باتوں کو علیحدہ علیحدہ سمجھنے کی ضرورت ہے۔
سودی کاروبار کی طرح ٹویوٹا ہوسکتا ہے کہ اور بھی کئی اچھے برے کام کررہی ہو۔یہ اپنے دوسرے اچھے برے کاموں کے ساتھ ساتھ بلا سودی سرمایہ کاری کاکام بھی کررہی ہے۔ٹویوٹا کو کامیابی کی اونچی منزل تک پہنچانے میں اور بھی سینکڑوں عوامل ہوسکتے ہیں۔ان میں ایک عامل بلاسودی سرمایہ کاری کا بھی ہے۔اس ایک عامل کے اثرات و نتائج کیا ہیں؟ اس ایک عامل نے ٹویوٹا کی ٹوسیع و ترقی میں کیا کردار اداکیا ہے؟بحیثیت ِ ایک مسلمان ہمیں اس ایک عامل کے عمل دخل سے دلچسپی ہے۔
میں تو اس کے سودی لین دین ہی سے یہ ثابت کررہا ہوں کہ اس کی سرمایہ کاری کا سارا سرمایہ بلاسودی ہے۔ اس بات کو اچھی طرح سے سمجھ لیں تو یہ اعتراض پیدا نہیں ہوتاجو اب بار بار نئے نئے الفاط میں مختلف قارئین کی طرف سے کیا جارہاہے۔ میں اس جملہ کو دوبارہ دہراتا ہوں کہ میں ٹویوٹا کے سودی لین دین ہی سے یہ ثابت کررہا ہوں کہ اس کی سرمایہ کاری کا سارا کام بلا سودی ہے۔ وہ کیسے؟
ٹویوٹا سود دیتی کم ہے اور لیتی زیادہ ہے۔ اس حقیقت کو بھی سمجھنے کی ضرورت ہے کہ اس کا مطلب کیا ہوتاہے اور اس کا الٹا ہو تو اس کا مطلب کیا ہوگا؟ٹویوٹا کے برعکس نسّان اور جنرل موٹرز سود زیادہ دیتے رہے ہیں اور لیا بہت کم ہے۔ مختلف کمپنیوں کی سودی لین دین کی ترتیب اگر ایک دوسرے کی اُلٹ ہو تو اس سے ان کمپنیوںکی کونسی تصویر سامنے آتی ہے اور ان دونوں تصویروں میں کونسی بات ایک دوسرے کی اُلٹ ہوتی ہے؟
ان سب سوالوں کا جواب یہ ہے کہ اگر کوئی کمپنی سود زیادہ دیتی ہے اورلیتی کم ہے یعنی اگر اس کی سودی آمدنی سودی ادائیگی سے کم ہے تو اس کا مطلب یہ ہے کہ یہ ایک مقروض کمپنی ہے ۔ اس نے بہت زیادہ سودی قرضے لیے ہوئے ہیں، اس وجہ سے اس کی سودی ادائیگی بہت زیادہ ہوگئی ہے اور اس کی سودی آمدنی مقابلۃً بہت کم۔ایسی کمپنی جو بھی سرمایہ کاری کررہی ہے وہ ان سودی قرضوں سے کررہی ہے جن کے وہ سود ادا کررہی ہے۔ اور اگر معاملہ اس کا اُلٹا ہو تو اس کا مطلب یہ ہوگا کہ یہ ایک مقروض کمپنی نہیں ہے بلکہ اُلٹا ایک قرض خواہ کمپنی ہے۔ جس کمپنی کی سودی ادائیگی کم ہو اور سودی آمدنی زیادہ ہو تو اس کے معنے یہ ہوں گے کہ اس کمپنی نے سودی قرضے کم لیے ہیں اور سودی قرضے دوسروں کو بہت زیادہ دیے ہوئے ہیں جس کی وجہ سے اس کی سودی آمدنی ،سودی ادائیگی کے مقابلہ میں بہت زیادہ ہے۔اس کا دوسرا مطلب یہ بھی ہوگا کہ اس کے پاس سرمایہ اتنا فالتو ہے کہ جوکچھ وہ قرض لے رہی ہے ، اس سے کہیں زیادہ سرمایہ اپنے گاہکوں کو قرض دینے میں لگارہی ہے۔اس بات سے یہ نتیجہ بھی نکلتا ہے کہ جس کمپنی کے پاس سرمایہ اس قدر فالتو اور اپنی ضروریات سے زیادہ وافر مقدار میں موجود ہو کہ وہ دوسروں کو قرضے دینے کی پوزیشن میں ہو تو اس کو کیا پڑی ہے کہ وہ اپنی سرمایہ کاری کے لیے سودی قرضوں اور ان کے سود کی ادائیگی کا بوجھ غیر ضروری طور پر اپنے سر پر لادکر ا پنے آپ کوآبیل مجھے مار کا مصداق بنالے۔
پھر اسی بات کو آپ ایک اور زاویے سے دیکھیں تو ایک اورنیا رُخ سامنے آئے گا۔ ایسی کمپنی نے جوکچھ سودی قرضہ لیا تھا، اس سے زیادہ وہ دوسروں کو دے چکی ہے تو اب اس کے پاس سودی قرضوں والے سرمایہ میں سے ایک دھیلا بھی نہیں بچا کہ جس سے وہ کوئی سرمایہ کاری کرسکے۔اس لیے اگر وہ کسی سودی سرمایہ سے سرمایہ کرنا بھی چاہے تو اس کے پاس سودی قرضوں کا ایک دھیلا بھی نہیں رہا کہ جس سے وہ کوئی سودی سرمایہ کاری کرسکے۔ ایسی کمپنی سودی قرض کے ایک دھیلے کے بھی نہ ہونے کے باوجود اگر کوئی سرمایہ کاری کررہی ہے تووہ کسی سودی سرمایہ سے نہیں کرسکتی بلکہ کسی نہ کسی بلاسودی سرمایہ ہی سے کر رہی ہوگی۔ اس طرح سودی لین دین میں اگر کسی کمپنی کی سودی آمدنی اس کی سودی ادائیگی کے مقابلہ میں زیادہ ہو تو اس سے یہ ثابت ہوتا ہے کہ جوکچھ سرمایہ کاری وہ کررہی ہے ،وہ بلاسودی سرمایہ ہی سے کرسکتی ہے۔ اس طرح ٹویوٹا کے سودی لین دین ہی سے میں یہ ثابت کررہا ہوں کہ اس کی سرمایہ کاری بلاسودی ہے۔
یہ بات بھی میں دوبارہ معترضین کو یاد دلانا چاہتا ہوں کہ ٹویوٹا کے بلاسودی سرمایہ کے حصول کے دو ذرائع ہیں۔ ایک تو % 98 نئے حصص کی فروخت ہے جس کی فروخت سے ٹویوٹا کمپنی نے بلاسودی سرمایہ حاصل کیا ہے۔ دوسرے سالانہ منافعوں کے ذخیرہ سے جو سرمایہ جمع کیا ہے وہ سب منافع کا سرمایہetained Earnings ہونے کے سبب بلاسودی ہے۔ یہ سرمایہ دس سال قبل 2000 ؁ میں 60 بلین ڈالر تھا اور اب 2010 ؁ میں 120 بلین ڈالر ہے۔ٹویوٹا جتنی چادر اتنے پاؤں پھیلاو کے اصول پر چل رہی ہے۔بنکوں یا تمسکات سے سودی قرضوں کے بجائے اس نے اپنے منافع کی جمع شدہ پونجی اور نئے حصص کی فروخت کے بلا سودی سرمایہ کی حد کے اندررہتے ہوئے اپنے کاروبار کی توسیع و ترقی کی ہے۔ اور اسی وجہ سے یہ انتھائی تیزی سے دنیا کی سب سے بڑی اور موٹر گاڑیوں کی فروخت کے معاملہ میں سب سے آگے نکلنے والی کمپنی بن گئی ہے۔
آج کے کمزور ایمان کے مسلمان اس غلط فہمی کا شکار ہیں کہ آج کی دنیا میں کوئی بھی کمپنی یا کوئی بھی کاروبار سودی قرضوں کے بغیر کامیاب نہیں ہوسکتا ۔ ایسی بھی مثالیں ہیں کہ سودی قرضے لے کر اپنے کاروبار کو بڑھانے میں کامیابی حاصل کی گئی ہے۔ سارے سودی قرضے لینے والے دیوالیے نہیں ہوئے۔ کچھ بچ بھی گئے ہیں۔سودی قرضوں کے ذریعہ کامیابی کے امکان کو تسلیم کرنے کے با وجود میں ان کے خلاف محض اس لیے نہیں ہوں کہ یہ اسلامی لحاظ سے حرام ہیںبلکہ اس لیے بھی کہ اس کے ذریعہ حاصل کی جانے والی کامیابی میں وہ تیزی پیدا نہیں ہوسکتی جو ٹویوٹا جیسی بلاسودی سرمایہ کاری کمپنی کو حاصل ہوسکتی ہے۔مزید یہ کہ کبھی بھی اگر کساد بازاری کا حملہ ہوجائے تواس طرح کی بلاسودی سرمایہ کاری کرنے والی کمپنیاں سودی قرضوں کے بوجھ سے پاک ہونے کی وجہ سے دیوالیہ کے خطرہ سے مکمل طور پرمحفوظ رہتی ہیں۔سودی قرضوں سے چلنے والی کمپنیوں کی طرح دیوالیہ کی تلوار ان کے سروں پر لٹکتی نہیں رہتی۔ تیسرے یہ کہ ان کے منافع کا ایک معقول حصہ گھر بیٹھے کوئی سودخور کھاتا رہتا ہے جبکہ بلاسودی سرمایہ کاری کا شرحِ منافع بھی مقابلۃً بہت بڑھ جاتا ہے اور یہ اپنے سارے منافع کو جمع کرکر کے اپنی Retained Earnings میںتیزی سے اضافہ کرتی رہتی ہے اور ہر نئے سرمایہ کاری کے موقع پر انھیں استعمال کرکے سب سے زیادہ تیز رفتاری کے ساتھ آگے بڑھنے کے لیے مستعد رہتی ہے جیسا کہ عملاً ٹویوٹا نے اپنی تیز رفتار کامیابی سے ان سب خوبیوں کا مظاہرہ کیا ہے۔ سودی قرضوں سے ترقی اگر کسی کمپنی نے کی بھی ہو تو وہ اس کے مقابلے میںکبھی بھی آگے نہیں آسکتی۔
اس طرح کے اعتراضات کے سبب مجھے بار بار یہ بات دہرانی پڑتی ہے کہ ٹویوٹا کا سودی لین دین کا کام تو صریح طور پرغیر اسلامی ہے لیکن ایک غیر مسلم کمپنی نے اپنے سودی اورحرام لین دین کے ساتھ ساتھ بلاسودی سرمایہ کاری کا ایک اسلامی اصول بھی اپنایا ہوا ہے۔ ایک کافر اگر اسلام کی کسی ایک بات پر عمل کرے تویہ ہمارے لیے اسلام پر اور اس کے اصولوں پر خود اعتمادی کاسبب ہونا چاہیئے، کیونکہ ہم مسلمان ہوتے ہوئے اسلام کی جن باتوںکو 21 ویں صدی میں ناقابل ِ عمل سمجھتے ہیں،ن میں سے صرف ایک اصول کو اپنی پالیسی کے طور پر اختیار کرنے کے نتیجہ میں ٹویوٹا جیسی ایک غیر مسلم کمپنی تیزی سے ترقی بھی کررہی ہے اور دنیا میں نمبر ۱یک بھی بنی ہے۔اور یہ سارے خوش آئند اورہمارے لیے مثال بننے والے نتائج اسلامی اصول بلاسودی سرمایہ کاری کو اختیار کرنے کا شاخسانہ ہےں۔
(جاری ہے۔ cj@ourquran.com

جاپان ، کوسٹ گارڈ کا ہیلی کاپٹر گر کر تباھ

ایڈیٹر — Wed, 18 Aug 2010 08:39:08 +0000

اخبار: جاپان کوسٹ کارڈ کا ایک هیلی کاپٹرکر گر تباه هو گیا ، یه واقعہ بدھ کے روز کاگاوا کین کے پانیوں میں پیش آیا ، هیلی کاپٹر میں پانچ سوار تھے
کوسٹ گارڈ جاپان کے ترجمان نے بتایا هے که کوسٹ گارڈ کی ایک کشتی کو ہیلی کاپٹر کی باقیات ملی هیں ،یه باقیات ساکائدے شہر کے سمندر میں ملی هیں

توهوکو لائین کی ٹرین کوگانے اسٹیشن سےمسافروں کو لیے بغیر چل پڑی

ایڈیٹر — Wed, 18 Aug 2010 08:38:23 +0000

توچیگی: اویاما سے اطلاع ملی هے که اتسونومیا لائین کی ایک ٹرین جو کوگانے سے وینو کے لیے چلنی تھی . منگل کے روز ٤:٢٥ پر پلیٹ فارم پر کھڑے سوله مسافروں کو لیے بغیر چل پڑی.
یه واقعہ ڈرائیور او کنڈیکٹر کی مس انڈرسٹنڈنگ کی وجه سے پیش آیا، ٹرین کو چل پڑنے کی وجہ سے پھر کوگانے سے اویاما اسٹیشن تک چلتے رهنا پڑا
جے آر اومیا کے ترجمان کے مطابق ٢٩ سالہ ڈرائیور ابھی زیر تربیت ہے اور نیا نیا هی ٹرین چلانے لگا هے اس لیے اب هر دونوں لوگوں کو دوبارھ تربیتی پروگرام میں جانا پڑے گا تاکه قابل توجہ نکات کو اچھی طرح جان سکیں

انٹرنیشنل و یلفیئر کلب تویاما جاپان ویلفیئر اسکیم نمبر1کی دوسری قرعہ اندازی

ایڈیٹر — Mon, 16 Aug 2010 18:37:16 +0000

16اگست ۲۰۱۰ [رپورٹ شاہد خان ] انٹر نیشنل ویلفئیر کلب تویاما کی جانب سے اعلان کردہ ویلفئیر اسکیم نمبر ۱ کی دوسری قرعہ اندازی قا ئم مقا م صدر محمد شاہد خان کے آفس میں بعد نماز ظہر کی گئی۔ جس میں قا ئم مقام صدر شاہد خان ،فا ئنا نس سیکر یٹری عرفان میمن ، محمد امتیا ز، ضیاء احمد، ریحان الحق،لیاقت علی اور نعیم الدین نے شرکت کی ۔کلب کے صدر جناب محمد شاہد خان نے قرعہ اندازی کے لیے تویا ما کے نوجوان کرکٹر ریحان الحق کو دعوت دی ۔

（ریحان الحق نے تویاما میں حا لیہ د نوں میں کر کٹ کے میچ میں تویاما ڈولفن کی نما ئندگی کر تے ہوئے تویاما ٹا ئیگر ز کے خلاف شاندار بیٹنگ کرتے ہوئے لگا تار 7 چھکے لگا کر تویاما کر کٹ کی تاریخ میں ایک نیا ریکارڈ قا ئم کیا ہے）۔ قر عہ جنا ب اشرف بھا ئی（سہارہ ٹریڈنگ）کے نام کا آیا۔

آخر میں جنا ب امتیاز بھا ئی نے اپنے خیا لات کا اظہا ر کر تے ہو ئےکہا کہ یہ ایک اجتما عی نیکی کا عمل ہے اور اسکو جاری رہنا چاہیے ۔ویلفئیر کلب کی ایسی مثبت سرگرمیاں قا بل ِ تعریف اور قابلِ تقلید ہیں ۔اس اظہارِ خیال کے بعد جنا ب امتیاز بھا ئی نے عامر بٹ اور شیراز بٹ کی والدہ اور اشرف بھا ئی کے جواں سال بھتیجے کی مغفرت اور پاکستان کے لیے خصو صی دْعا کروائی ۔ اسکیم کا مختصر تعارف درجہ ذیل ہے ۔ تعا رف اس اسکیم کے تحت آپ غر یب اور مستحق افراد کی مدد خود اپنے ہاتھوں سے کر سکتے ہیں۔اور اپنی آخرت اور دنیا کی پریشا نیوں اور مصیبتوں سے نجات حاصل کر سکتے ہیں کیو نکہ صد قہ و خیرات آنے والی بلاوٰں کو ٹا ل دیتا ہے۔ اس اسکیم میں شرکت کر نے والے حضرات ہر مہینہ ۵۰۰۰ین جمع کراتےہیں اور مخصوص تا ریخ کو قرآہ اندازی کےذریعے منتخب ہونے والے کو کل رقم ادا کر دیجاتی ہے۔ اور اس طرح ایک خطیر رقم سے آپ اپنے قرب و جوار کے مستحق افراد کی مدد خود اپنے ہا تھو ں سے کر کے دلی سکون و اطمینان حا صل کر کے اپنی آخرت سنوار سکتے ہیں۔

یاد رکھیں اس اسکیم میں آپ صدقہ و خیرات کی رقم استعمال کر سکتے ہیں۔مزید معلومات و مشورہ کے لیے رابط کریں۔ شاہدخان:۔8265-9335-090 ایازاحمد:۔09062771999 عرفان میمن:۔6273-9445-090

GRAND Flash Album Gallery

Skins for GRAND FlAGallery, Photo Galleries, Video Galleries

developed by CodEasily.com - WordPress Flash Templates, WordPress Themes and WordPress plugins

The Flash Player and a browser with Javascript support are needed.

بائیو تیل سے دنیا کو خوراک کی کمی کا خطرھ ، جاپان نے نیا طریقه دریافت کرلیا

ایڈیٹر — Sun, 15 Aug 2010 07:38:34 +0000

اخبار: جاپان کی توهوکو یونورسٹی نے توهوکوالیکٹرک کمپنی کے تعاون سے سمندری جڑی بوٹیوں سے بائیو تیل نکالنے کا طریقہ دریافت کرلیا
پروفیسر ساتو مینور کے گروپ نے سمندری کھاس اور ڈنڈلوں سے تیل نکانے کے طریقے کي دتیافت کا یہاں ہفتے کے روز بتایا هے
اب تک بائیو تیل کے لیے خام مال کے طور پر کماد اور مکئی کو استعمال کیا جاتاهے
ہر دو چیزیں انسانی خوراک ميں استعال هونے والی چیزیں هیں
کماد اور مکئی کے زیادھ استعمال سے انسانی خوراک کے معاملات ميں مسائیل کی نشاندھی کرنے والے کئی گروپ بائو تیل کے خلاف احتجاج کرتے رہے هیں، پروفیسر ساتو نے بتایا هے که سمندری ڈنڈلوں اور گھاس کے تیل سے انسانی خوراک کا بھیانک مسئله بھی پیدا نہیں هو گا
اور سمندری علاقوں میں لگے پاور پلانٹ کو تیل کی ترسیل بھی اسان رهے گی

ٹویوٹا کی کامیابی کا راز۔۔بِلاسودی سرمایہ کاری (ساتویں قسط)

ایڈیٹر — Sat, 14 Aug 2010 17:10:25 +0000

حسین خاں ۔ ٹوکیو
ٹویوٹا سودی قرضے بھی لیتی ہے لیکن یہ کبھی بھی ایک ’مقروض‘کمپنی نہیںرہی
میری حمایت میں عبدالرحمٰن صدیقی صاحب کا یہ مشورہ ایک نیٹ پر چھپا ہے کہ کسی ایک آدمی کے سوال کے جواب میں پورا ایک مضمون لکھ ڈالنا مناسب نہیں ہے ، اس کے نتیجہ میں پہلے لکھی ہوئی باتیں دوبارہ دہرائی جاتی ہیں۔ان کا کہنا ہے :
’’ ایک شخص کو مطمئن کرنے کے لئے پورا مضمون لکھنا مناسب نہیں۔۔۔۔۔۔۔۔۔معترض کو سمجھانے کی کوشش اس طرح کی گئی ہے جیسے ایک استاد کسی ناسمجھ ،،طالبعلم کو سمجھا رہا ہو ۔حسین خان ےہ کےوں نہیں سمجھتے کہ اسطرح وہ اپنا اور دوسروں کا وقت ضائع کر رہے ہیں ۔ایک شخص کو مطمئن کرنے کے لےے پورا مضمون لکھنا اور ایک ہی بات کو جو پہلے لکھی جاچکی ہے بار بار دہرانا ضروری تو نہیں۔
انٹر نیٹ اور ای میل کا اسطرح استعمال فضول خرچی معلوم ہوتا ہے ۔ےہ بھی سمجھنا چاہےے کہ اتنے لمبے لمبے مباحثے اور ایک بات کو الٹ پلٹ کر کے لکھنے سے لوگ پڑھتے بھی نہیں ویسے بھی معاشےات ایک خشک مضمون ہے سب کی سمجھ میں نہیں آتا ۔خان صاحب تو ماشا ء للہ ایم اے معاشےات ہیں۔‘‘
اس مشورہ کے پہلے حصہ کے بارے میں عرض یہ ہے کہ کسی ایک آدمی کا سوال محض اُس ایک آدمی کا نہیں ہوتا ہوتا بلکہ اس طرح کا سوال یا اعتراض کرنے والے سینکڑوں اور قارئین بھی ہوسکتے ہیں۔ اس لیے ہر سوال کا جواب صرف ایک آدمی کی خاطر نہیں ہوتا بلکہ سینکڑوں دوسرے قارئین کے لیے بھی ہوتا ہے۔ سوال یا اعتراض سے خود لکھنے والے کو پتہ چلتا ہے کہ اس کی تحریر میں کونسا پہلو ابھی تشنہ رہ گیا تھا جس کی مزید تشریح کی ضرورت ہے۔ اگر سوال کرنے والا کج بحثی پر اُتر نہ آئے بلکہ بات کو بہتر طور پر سمجھنے اور جو پہلو تشنہ رہ گیا ہو اس کو مزید اجاگر کرنے کے لیے ہو تو وہ میری بھی اور بہت سارے قارئین کی خدمت کررہا ہے کہ اپنے سوال کے ذریعہ تحریر کے کسی گنجلک پہلو کو مزید واضح اور اجاگر کرنے کا موقع فراہم کررہا ہے۔ اس طرح سنجیدہ سوال کرنے والا اور اس کا سنجیدگی سے وضاحت کرنے والا دونوں ہی قارئین کی خدمت کررہے ہوتے ہیں۔
اب رہا اس مشورہ کا دوسرا حصہ کہ اس سے ایک ہی بات کو دہرایا جاتا ہے تو یہ بھی ایک غلط فہمی ہے۔ جو باتیں پہلے لکھی جاچکی ہیں ،اُنہی کو دہرادیا جائے تو اس طرح سوال کا کوئی جواب نہیں بنتا ۔جواب کا مطلب یہ ہوتا ہے کہ
Mاب تک کی لکھی ہوئی باتوں سے ہٹ کر کسی نئے پہلو کو سامنے لایا جائے یا اسی بات کے ثبوت میں کوئی نیا مواد پیش کیا جائے، جس سے معترض کی تشفی ہوسکے۔جو شخص عقلمند کو اشارہ کافی ہے کے بمصداق ساری بات کو پچھلی تحریر ہی کی بنیاد پر اچھی طرح سمجھ بیٹھا ہو اس کو تو مزید تشریح بظاہر پرانی بات کو دہرانے والی لگتی ہوگی ،لیکن فی الحقیقت نئی تشریح میں کچھ نہ کچھ نیا مواد یا نئے زاویے ہوتے ہیں ۔ پورے کا پورا مضمون ہی اگر ایک سوال یا اعتراض کے جواب میں سامنے آجائے تو اس کا مطلب یہ کہ نیا مواد یا نئے زاویے اتنے زیادہ پیش کیے گئے ہیں کہ ایک پورا نیا مضمون بن گیا
ہے۔ مرحوم مولانا امین احسن اصلاحی ؒفرمایا کرتے تھے کہ
اِک پھول کا مضمون ہو تو سو رنگ سے باندھ
ایک ہی موضوع پر لوگ موٹی موٹی کتابیں لکھتے ہیں۔ اس کا مطلب نہیں ہوتا کہ انھوں نے ایک ہی بات کو بار بار دہرا دہرا کر اپنی کتاب کو موٹا کردیا ہو۔ نیا مواد اور نئے پہلو اورنئے زاویے جب تک سامنے نہ لائے جائیں،ایک ہی موضوع پر کوئی کتاب بھی موٹی نہیں ہوسکتی ۔ میں نے بھی اب تک ٹویوٹا کی بلاسودی سرمایہ کاری کے موضوع پر 7 قسطیں لکھ ڈالی ہیں۔ ہر قسط میں پرانی باتوں کا ذکر تو آتا ہے لیکن اس بات کو نئے مواد یا نئے زاویے سے پیش کرنے کی کوشش کی ہے اور جب تک مجھے اس سلسلہ میں کوئی نہ کوئی نیا مواد ملتا رہے گا ، انشا ء اللہ مزید نئی نئی قسطوں میں اس کو پیش کرتا رہوں گا۔ اس پرآپ پرانی باتوں کو دہرانے کا الزام چسپاں نہیں کرسکتے۔
میں ٹویوٹا کے دعوت نامہ پر 4 اگست کو ان کے ٹوکیو کے صدر دفتر گیا تھا۔ٹو یو ٹا کو اپنے سہ۔ماہی کاروباری نتائج کا اعلان کرنا تھا۔ کوئی 200 سے زائدحصص کی فروخت کا کام کرنےوالی جاپانی اور غیرملکی کمپنیوں کے آٹوموبائیل کے خصوصی تجزیہ نگار اور اخباری رپورٹر آئے ہوئے تھے۔پہلے سے اعلان کیے گئے پروگرام کے مطابق یہ میٹنگ آدھے گھنٹے میں ختم کردی گئی۔ اس کے بعد میں نے ٹویوٹا کے متعلقہ افراد سے ملاقاتوں کی کوشش شروع کی۔ٹویوٹا کے مختلف متعلقہ افراد سے میری چارعلیحدہ علیحدہ طویل ملاقاتیں ہوئیں۔بعض افراد میرے سوالوں کا جواب نہیں دے سکے تو ناگویا کے ہیڈ آفس کے اکاؤنٹ کے شعبہ سے خصوصی طور پر ایک دن کے لیے ٹوکیو آئے ہوے ایک بندے کو گھسیٹ کر لائے تاکہ وہ میری باتوں کا جواب دے سکے۔ خود ٹویوٹا کے آدمیوں کے ذہن میں بھی معترض کے جس سوال کا میں نے پچھلی قسط میں جواب دیا ہے، اس سے ملتا جلتا سوال تھا اور وہ یہ کہہ رہے تھے کہ ٹویوٹا تو سودی قرضے بھی لیتی ہے ،آپ اُسے کیسے بلاسودی سرمایہ کاری سے لے جاکر ملارہے ہو؟ میں نے اپنے دلائل اور اپنی تحقیق کے نتائج انھیں بتائے تو وہ میری رائے سے متفق ہوئے،میرے نقطہ نظر کے قائل ہوکر بڑے خوش ہوئے اورمجھ سے ہر
تعاون کی پیشکش کی۔اور فوری طور پر ٹویوٹا کی تاریخ پرچند نایاب کتابوں کا تحفہ بھی دیا۔واپسی پر جب تک میں ان کی نظروں سے اوجھل نہیں ہوا، دروازے پر کھڑے بائی ،بائی کے ہاتھ ہلاتے رہے۔ اس لیے اس دفعہ بھی اور اگلی چند قسطوں میں بھی آپ اسی سوال کے جواب کے نئے پہلوؤںکو انشاء اللہ دیکھیں گے، جو میں نے ٹویوٹا والوں کو بھی بتائے تھے۔
میرے جواب کی بنیادجو میں نے ٹویوٹا والوں کو بتائی ٹویوٹا کی گذشتہ 10 سالو ں کی بیلنس شیٹوں کی میرے خصوصی تجزیہ پر مشمل تھی۔ میں نے ٹویوٹا کے جس بندے سے بھی بات کی اس کو میرے تجزیہ والے پہلو کی خبر نہیں تھی ، حتّٰی کہ ناگویا ہیڈ آفس سے آئے ہوئے اکاؤنٹ والے بندے کو بھی۔ البتّہ میرے تجزیہ سے متفق ہونے کے بعد اس نے ایک ترکیب یہ بتائی کہ میں ٹویوٹا گروپ کے بجائے ٹویوٹاکی صرف گاڑی سازی اور اس کے فروخت کا کام کرنے والی جوٹویوٹا کا اصل کام ہے صرف اس ایک (Tandoku)کمپنی کی بیلنس شیٹ کا تجزیہ کروں تو میری دلیل اور زیادہ مستحکم ہوجائے گی۔اس اکاؤنٹ والے بندے نے بتایا کہ ٹویوٹا گروپ کی مالیاتی خدماتinancial Services والی کمپنی کو علیحدہ کردوں ،جو بنک جیسا کاروبار کرتی ہے تو میرا بلاسودی سرمایہ کاری کا دعویٰ اور زیادہ مضبوط ہوجائے گا۔
ہرموٹر کار کمپنی اپنے اخراجات اور ہرماہ اپنے ہزاروں افراد پر مشتمل اسٹاف کو تنخواہیں دینے کے لیے کچھ نہ کچھ نقد رقم اپنی بنکوں میں بطور ڈپازٹ رکھنے پر مجبور ہے۔اس پر اس کو بنکوں کی طرف سے سود ملتا ہے ۔مزید یہ کہ یہ بنکوں سے یا اپنے تمسکات کی فروخت سے سستے نرخ پر سودی قرضے لے کر زیادہ سودی نرخ پر ماہوار اقساط کی ادائیگی کی شکل میں نئی گاڑی خریدنے والے گاہکوں کو بالعموم 5 ۔سالہ سودی قرضے دیتی ہے۔اس طرح کی مختلف کارروایئوں کے سبب ہر موٹر کار کمپنی کے آمدنی اور خرچ کے گوشوارہ میں سودی آمدنی اور سودی ادائیگی کے اعداد و شمار ہوتے ہیں۔ اگر کسی کمپنی کی سودی ادائیگیاں زیادہ ہوں اور سودی آمدنی کم ہوتو اس سے پتہ چلتا ہے کہ یہ ایک ’مقروض‘ کمپنی ہے۔ اس کمپنی نے اتنے زیادہ سودی قرضے لیے ہوئے ہیں کہ اسے سود زیادہ دینا پڑتا ہے۔ لیکن اگر اس کا اُلٹا ہو یعنی سودی آمدنی زیادہ اور سودی ادائیگی کم ہو تو اس کا مطلب یہ ہوگا کہ یہ کمپنی ایک ’مقروض‘ کمپنی نہیں ہے بلکہ الٹا ایک قرض خواہ یعنی قرض لینے والی نہیں بلکہ قرض دینے والی کمپنی ہے ۔یعنی مثلاً اگر ایک ملین ڈالر کا سودی قرضہ لیا ہوا ہے تویہ الٹا زیادہ سودی شرح پر کسی کو قرض دے دیا ہے اور مزید ایک دو ملین ڈالر اپنے پلّہ سے کسی کو قرض دیا ہوا ہے۔ اگر ایسا نہ ہوتو اس کی سودی آمدنی سودی ادائیگی سے زیادہ نہیں ہوسکتی۔ کیا آپ کسی ایسی کمپنی کو جس نے ایک ملین ڈالر کا قرضہ تو لیا ہے لیکن 3 ملین ڈالر کا قرضہ کسی کو دیا ہوا ہو،ایک ’مقروض‘ کمپنی کہہ سکتے ہیں؟ ٹویوٹا کے ساتھ یہی معاملہ ہے۔اس کے دس سالوں کی بیلنس شیٹ سے یہی بات سامنے آتی ہے کہ بنیادی طور پر یہ ایک ’مقروض‘کمپنی نہیں بلکہ ایک قرضخواہ یعنی قرضے دینے والی کمپنی ہے، اگرچیکہ اس کی بیلنس شیٹ میں سودی قرضے لینے کا ذکر ہے۔اسی ذکر کی وجہ سے ٹویوٹا والے بھی اور بعض اخبار والے بھی اس کو (Mushakkin Keiei) یعنی ’مقروض‘ ہوئے بغیر چلائی جانے والی کمپنی کی تعریف میں شمار نہیں کرتے ۔میرا تجزیہ یہ ہے کہ ٹویوٹا سودی قرضے لیتی تو ہے لیکن یہ ایک ’مقروض‘کمپنی نہیں ہے۔
پچھلے 10 سال کے سارے اعداد وشمار آج بھی ٹویوٹا کی ویب سائٹ پر موجود ہیں۔ان میں کہیں آپ کو یہ نہیں ملے گا کہ ٹویوٹا نے کوئی سودی قرض لے کر اپنی سرمایہ کاری کی ہو۔ جو بھی سودی قرض لیا ہے اس سے بہت بڑھ چڑھ کر کسی نہ کسی کو اور زیادہ تر اپنے گاہکوں کو قرض دیا ہوا ہے۔ جب کسی کمپنی کے اثاثوں میں وہ سودی رقم وجود ہی نہ رکھتی ہو جو اس نے کہیں سے قرض کے طورپر لی تھی، وہ ساری کی ساری کسی کو دے چکی ہو تو اس کے پاس وہ سودی قرضوں کا وجود ہی نہیں رہتا جو اس نے کہیں سے لیے تھے ۔ جب اس کے پاس ایسی کسی سودی رقم کا وجود ہی نہ ہو تو وہ اس سودی رقم سے اپنی سرمایہ کاری کیسے کرگی؟ اس طرح کی بلاسودی سرمایہ کاری کے سبب اس کی منافعوں سے جمع شدہ پونجی پچھلے 10 سال میں دگنی ہوگئی ہے000 ؁ کے 60 ارب ڈالر سے بڑھ کر اب 2010 میںاس کی دُگنی یعنی 120 ارب ڈالر ہوگئی ہے۔
سودی قرضوں پر کام کرنے والی کمپنی کی Balance Sheet یعنی اثاثہ جات اور واجبات کے گوشوارہ میں
سودی آمدنی اور سود کی ادائیگی کے اعداد و شمار پر نظر ڈالیں تو نظر آئے گا کہ اس میں سودی آمدنی بہت کم ہے اور سود
کی ادائیگی اس کے مقابلہ میں بہت زیادہ ہے۔ کیونکہ اس نے سودی قرضے لیے ہوئے ہیں اور اس کو اس کا سود ادا کرنا
ہوتا ہے۔ لیکن اگر آپ ٹویوٹا کا پچھلے 10 سال کا اثاثہ جات اور واجبات کا گوشوارہ دیکھیں گے توآپ کو اس کا الٹا نظر آئے گا۔آپ کویہ پتہ چلے گا کہ ٹویوٹا کی سود کی ادائیگی بہت کم اور اس کے مقابلہ میںاس کی سودی آمدنی بہت زیادہ ہے۔اس سے یہ ثابت ہوتا ہے کہ ٹویوٹا نے سودی قرضے بہت کم لیے ہیں اور دوسروں کو بہت زیادہ دیے ہوئے ہیں۔اس کی وجہ سے اس کو سود اتنا دینا نہیں پڑتا جتناکہ اس کو اپنے دیے ہوئے سودی قرضوں پر سود کی آمدنی ہوتی ہے۔ اس بات سے صاف ظاہر ہے کہ ٹویوٹا کے منافعوں کا ذخیرہ پچھلے 10 سال میں جو 60 ارب ڈالر سے دُگنا ہوکر 120 ڈالر ہوا ہے وہ سودی قرضے لے کر ترقی کرنے سے نہیں بلکہ بلاسودی سرمایہ کاری کے نتیجہ میں ہوا ہے۔
اس بات کا خود ٹویوٹا کمپنی والوں کو پتہ نہیں تھا یا اس طرف ان کی توجہ نہیں تھی کیونکہ یہ کوئی اسلامی کمپنی تو ہے نہیں کہ یہ دیکھتی رہی کہ سود کم لیا ہے یا زیادہ یایہ کہ سود کی آمدنی کم ہے یا زیادہ۔اس کی تو ہم مسلمانوں کو فکر رہتی ہے کہ یہ دیکھیں کہ سودی سرمایہ کاری یا بلاسودی سرمایہ کاری سے مرتب ہونے والے اثرات میں کیا فرق ہوتا ہے؟ اور
یہ دیکھیںکہ ’مقروض‘ کمپنی اور ایک قرضخواہ کمپنی کی ترقی اور توسیع پراس کے ’مقروض‘ ہونے یا نہ ہونے سے کیا فرق پڑتا ہے؟ٹویوٹا نے اپنے ’مقروض‘ نہ ہونے کا نتیجہ دکھادیا کہ وہ گاڑی سازی کی دنیا میںاتنی بلندیوں تک پہنچ سکتی
ہے کہ کسی ’مقروض‘ کمپنی کی پہنچ وہاں تک نہیں ہوسکتی۔