ہوکائیدو: ہوکائیدو میں جمعہ کی صبح دو منی بسوں اور ایک ایس یو وی میں ہونے والے تصادم کے نتیجے میں دو لوک ہلاک جبکہ 34 زخمی ہو گئے۔
پولیس کے مطابق، یہ حادثہ صبح 7 بجے کے ذرا ہی دیر بعد روٹ نمبر 230 پر کیموبیتسو، ابوتا گُن میں دو لین والے ایک پُل پر ہوا۔ ایس یو وی کے دونوں سوار، ایک عورت اور مرد جو 70 کے پیٹے میں تھے، مارے گئے تاہم پولیس نے ابھی ان کے نام جاری نہیں کیے۔ پولیس کے بیان کے مطابق دو بسوں پر سوار 43 لوگوں میں سے 34 اس میں زخمی ہوئے، اور انہیں ہسپتال لے جایا گیا۔
پولیس نے کہا کہ بظاہر ایسا لگتا ہے کہ ایس یو وی نے سمت بدلی اور لائن پار کر کے ایک بس کے راستے میں آ گئی، اس کے ساتھ ایک جانب سے ٹکرائی اور پھر اس کے پیچھے آنے والی بس سے سیدھی جا ٹکرائی۔
