ہیرونو: ایٹمی نگران ادارے نے جمعے کو کہا، جاپان کے کھنڈر شدہ فوکوشیما ڈائچی ایٹمی بجلی گھر کا آپریٹر اس کے خطرناک حد تک تابکار پانی کو ذخیرہ کرنے والے ٹینکوں کی نگرانی میں غافل تھا، جو کہ بحران میں تازہ ترین پیش رفت ہے جسے ٹھیک کرنے کی سمجھ کسی کو بھی نہیں آ رہی۔
ایٹمی ریگولیشن اتھارٹی (این آر اے) کے کمشنر تویوشی فوکیتا نے فوکوشیما ڈائچی پلانٹ کے قرب و جوار کا دورہ کرنے کے بعد رپورٹروں بتایا، ٹوکیو الیکٹرک پاور کو (ٹیپکو) ٹینکوں کے معائنے کا ریکارڈ رکھنے میں ناکام رہا۔
فوکیتا نے جمعے کو پلانٹ کا دورہ کیا جب این آر اے کے چئیرمین شونیچی تاناکا نے اس ہفتے کہا تھا کہ انہیں خدشہ ہے کہ عجلت میں تعمیر کیے گئے بڑے بڑے ٹینکوں میں سے مزید خراب ہو سکتے ہیں۔
“اس سب سے اوپر، اور یہ وہ تاثر ہے جو مجھے دورے کے دوران حاصل ہوا، میں یہ کہنے سے نہیں رہ سکتا کہ معائنے غفلت کا شکار تھے۔”
جاپان کا ایٹمی بحران دو برس سے زیادہ عرصہ قبل شدید زلزلے اور سونامی کی وجہ سے پلانٹ تباہ ہونے کے بعد اس ہفتے اپنے بدترین درجے تک بگڑ گیا تھا۔
