بیجنگ: برطانیہ کے لیے چین کے سفیر نے جاپانی وزیرِ اعظم کے متنازع جنگی مزار کے دورے پر بیجنگ اور چین کے مابین سفارتی تنازعے میں لارڈ وولڈیموورٹ، جو جے کے رولنگ کی “ہیری پوٹر” سیریز کا ولن ہے، کا استعارہ استعمال کیا ہے۔
سفیر لیو زیاؤمِنگ نے بدھ کو روزنامہ ٹیلی گراف اخبار میں ایک خصوصی ادارتی مضمون میں لکھا، “ہیری پوٹر سیریز میں سیاہ جادوگر وولڈیمورٹ سات جادوئی چیزوں، جن میں اس کی روح کے حصے محفوظ ہوتے ہیں، کو تباہ کرنے سے مر جاتا ہے”۔
انہوں نے مزید لکھا، “اگر محاربیت جاپان کا نہ بھولنے والا وولڈیمورٹ ہو، تو ٹوکیو میں یاسوکونی مزار ایک قسم کی جادوئی چیز ہے، جو اس قوم کی روح کے سیاہ ترین حصوں کی نمائندگی کرتی ہے”۔
لیو کا خصوصی مضمون پچھلے ہفتے شینزو آبے کے مزار کے دورے پر چین اور جاپان کے درمیان کشیدگی کے دوران سامنے آیا ہے۔
وہ 2006 کے بعد یاسوکونی، جو جاپان کے جنگی ہلاک شدگان بشمول کلاس اے کے 14 مرتکب جنگی مجرموں کی یاد میں قائم ہے، پر حاضری اور اظہار عقیدت کرنے والے پہلے جاپانی حکومتی سربراہ بن گئے تھے۔
