ٹوکیو: فیس بک کے سی ای او مارک زکربرگ نے منگل کو کہا کہ جاپان کے بڑے پیمانے کے سونامی نے انہیں تحریک دی کہ وہ اپنے سماجی نیٹ ورک کے ذریعے قدرتی آفات سے متاثر ہونے والے لوگوں کی مدد کے نئے راستے تلاش کریں۔
زکربرگ، جو جاپان کا دورہ کر رہے ہیں، نے وزیر اعظم یوشیکو نودا کو بتایا کہ انہیں یقین ہے کہ فیس بک کو آفات میں لوگوں کو ایک دوسرے سے مربوط رکھنے اور انہیں اہم ترین معلومات پہنچانے میں استعمال کیا جا سکتا ہے۔
جمعرات کی مختصر ملاقات میں وہ اس کی تفصیلات میں نہیں گئے۔ نودا نے اپنی تحسین کا اظہار کیا اور کہا کہ “دی سوشل نیٹ ورک” فلم دیکھنے کے بعد انہیں نوجوان آجر سے ملنا عجیب سا لگا۔ یہ فلم زکربرگ کی زندگی اور فیس بک کے ابتدائی دنوں میں انہیں درپیش قانونی مشکلات پر مشتمل تھی۔
زکربرگ نے قہقہہ لگاتے ہوئے کہا کہ ہالی ووڈ کے ہاتھوں کی جانے والی ان کی منظر نگاری مکمل طور پر اصلی نہیں تھی۔
“بہت مختلف”، انہوں نے کہا۔
