یروشلم: جاپانی وزیر خارجہ کوچیرو گیمبا نے منگل کو ایران کے ایٹمی پروگرام پر حملے کے سلسلے میں ٹوکیو کے خدشات کا اعادہ کیا جو ان کے اسرائیل اور فلسطینی علاقوں کے دو روزہ دورے کے آغاز پر ایک انٹرویو کی صورت میں شائع ہوئے ہیں۔
“جاپان ایرانی ایٹمی پروگرام کے معاملے پر بہت فکرمند ہے،” گیمبا نے وسیع اشاعت رکھنے والے روزنامے یدیوت اہارونوت کو بتایا، جو عبرانی میں ترجمہ کر کے شائع کیا گیا۔
چھ بڑی طاقتیں، جو پانچ بڑی طاقتوں امریکہ، روس، چین، برطانیہ، فرانس اور جرمنی کے سفارتکاروں کے وفود پر مشتمل ہیں، نے ایران کے متنازعہ ایٹمی پروگرام پر پچھلے ماہ استنبول میں مذاکرات کے پہلے راؤنڈ کا اہتمام کیا تھا، جبکہ دوسرا راؤنڈ بغداد میں 23 مئی کو منعقد ہو گا۔
اسرائیل کا کہنا ہے کہ ایٹمی ایران یہودی ریاست کے لیے مستقل خطرے کا باعث بنے گا اور اس نے تہران کے ایٹمی مراکز پر پیشگی حملے کے امکان کو خارج از امکان قرار نہیں دیا۔
“فوجی حل نہ صرف ایران کو اپنا ایٹمی پروگرام تیزی سے مکمل کرنے کا بہانہ فراہم کر دے گا، بلکہ علاقے میں عدم استحکام کو بھی فروغ دے گا، جو اسرائیل کے لیے خطرے کا باعث ہو سکتا ہے،” گیمبا نے خبردار کیا۔
انہوں نے کہا کہ “ایران کو ایٹمی ہتھیار حاصل کرنے سے روکنے کے تمام آپشن” میز پر ہیں، اگرچہ انہوں نے اعتراف کیا کہ فوجی حل “پیچیدہ” ہو گا۔
“تاہم ایٹمی اسلامی جمہوریہ ایران کہیں زیادہ خطرناک ہو گا،” انہوں نے کہا۔
