ٹوکیو: پارک کے اہلکاروں کے مطابق، ایک دیو ہیکل بچہ پانڈا جو ٹوکیو کے یو اینو چڑیا گھر میں پچھلے ہفتے پیدا ہوا تھا، بدھ کو مر گیا۔ اس سے قبل پانڈا کی پیدائش کو جاپان میں پانڈوں کی قید میں نسل خیزی کے پروگرام کی نایاب کامیابی قرار دیا گیا تھا۔
ابھی تک بے نام یہ بچہ، جو 24 سال میں پیدا ہونے والا اولین پانڈا تھا اور قدرتی طریقہ نسل خیزی سے وجود میں آنے والا اکلوتا بچہ بھی، پورے جاپان میں جوش و جذبہ پھیلانے کے صرف ایک ہفتے بعد بیماری کا شکار ہو گیا تھا۔
اس بچے کا چین میں بھی خیر مقدم کیا گیا تھا، جس کے اکثر پڑوسی جاپان کے ساتھ مخاصمانہ تعلقات رہتے ہیں۔
چینی وزارت خارجہ کے ایک ترجمان نے پچھلے ہفتے پیدائش کی خبر کے جواب میں کہا تھا، “دیوہیل پانڈا دوستی کے پیغامبر ہیں۔”۔ چین میں قریباً 1600 پانڈا جنگلات میں رہ رہے ہیں، جبکہ 300 کے قریب پوری دنیا اور زیادہ تر چین میں مختلف چڑیا گھروں وغیرہ میں قید ہیں۔
اطلاعات کے مطابق اب تک جاپان میں 16 دیو ہیکل پانڈوں کی پیدائش ہو چکی ہے۔
