ٹوکیو: جاپان کے وزیر خارجہ نے بدھ کو وعدہ کیا کہ شمالی کوریا کے ساتھ “مثبت بات چیت” میں شامل ہوا جائے گا تاکہ دونوں ممالک کے مابین پُر تناؤ تعلقات کو بہتر بنایا جا سکے جبکہ دونوں ممالک کبھی کبھار ہونے والی انسانی امداد پر مذاکرات کی تیاری کر رہے ہیں۔
جاپان اور شمالی کوریا کے ریڈ کراس اہلکاروں کی جمعرات اور جمعہ کو بیجنگ میں ملاقات طے ہے جہاں وہ دوسری جنگ عظیم اور اس کے فوراً بعد جزیرہ نما کوریا میں مرنے والے جاپانیوں کی باقیات کی وطن واپسی پر بات چیت کریں گے۔
2002 میں شمالی کوریا نےتسلیم کیا تھا کہ اس نے 1970 اور 1980 کے عشرے میں جاپانی شہری اغوا کیے تاکہ وہ اسے جاپانی زبان اور ثقافت کی تعلیم دے سکیں۔
جاپان نے 1910 سے 1945 تک جزیرہ نما کوریا کو نو آبادی بنائے رکھا تھا، اور جاپانی وزارتِ بہبود کے مطابق موجودہ شمالی کوریا میں سوویت یونین کے فوجی داخل ہونے کے بعد وہاں 34,600 جاپانی ہلاک ہو گئے تھے۔
اس وقت دونوں اطراف نے جاپانی اغوا شدگان کے مستقبل کے ساتھ ساتھ شمالی کوریا میں شادی کر کے وہیں رہ جانے والے جاپانی شہریوں کے جاپان آنے جانے پر بات چیت کی تھی۔
