ٹوکیو: ایک آدمی اس وقت ہلاک ہو گیا جب اسکی ماسک پہنے ہوئے 10 آدمیوں کے گینگ نے اتوار کو علی الصبح ایک روپونگی کلب میں اسے پیٹ ڈالا۔
پولیس کے مطابق، انہوں نے کلب فلاور سے صبح 3:40 پر ایک کال وصول کی، جس میں اس مسئلے کی اطلاع دی گئی تھی۔ عینی شاہدین سے منسوب بیانات کے مطابق، قریباً 10 آدمیوں کا ایک گینگ کلب میں داخل ہوا۔ ان میں سے کچھ کے پاس دھاتی بیٹ تھے اور انہوں نے ایک 31 سالہ آدمی پر حملہ کیا جو اپنے دوستوں کے ساتھ بیٹھا پی رہا تھا۔
گواہان کے مطابق حملہ تقریباً ایک سے دو منٹ تک جاری رہا۔ پولیس نے کہا کہ گینگ حملے کے فوراً بعد وہاں سے چلا گیا اور ایک وین میں فرار ہو گیا۔ ان کا شکار، جس کا نام ریوسُوکی فوجیموتو پتا چلا ہے، ہسپتال لے جایا گیا جسے سر پر شدید ضربات آئی تھیں، تاہم اسے مردہ قرار دے دیا گیا۔
پولیس نے کہا کہ اس وقت کلب میں تقریباً 300 لوگ تھے، تاہم کوئی اور زخمی نہیں ہوا۔
