ٹوکیو: پولیس نے پیر کو کہا، ایک سینئر خاتون تائیوانی اہلکار اور اس کے اہلخانہ اس وقت ہلاک ہو گئے جب جاپان میں چھٹیاں مناتے ہوئے ان کی کرائے کی کار ایک ٹرک سے جا ٹکرائی۔
یہ حادثہ جمعہ کو ہوکائیدو میں پیش آیا، جس میں 65 سالہ چُونگ لونگ، جو تائیوانی وزارتِ ثقافت کی اعلی عہدیدار تھیں، ان کی 23 سالہ بیٹی اور 37 سالہ بہو ہلاک ہو گئیں۔
پولیس ترجمان کے مطابق، چُونگ کا 35 سالہ بیٹا، جس کی بیوی اس حادثے میں چل بسی، پہیے پر تھا اور بچ گیا تاہم اس کی حالت نازک تھی، جبکہ پولیس نے مزید کہا کہ سڑک پر پھسلن تھی۔
ہوکائیدو شمبن نامی اخبار نے کہا کہ ایک تنگ موڑ پر پیش آنے والا یہ حادثہ بظاہر اس وقت رونما ہوا جب کرائے کی کار سامنے سے آنے والے ٹرک میں جا لگی، جس کا ڈرائیور ہلکا زخمی ہونے کے بعد بچ گیا۔
ہوکائیدو جاپان کا سب سے شمالی جزیرہ ہے اور ایشیائی سیاحوں میں مقبول ہے، جو اس کی ان چھوئی خوبصورتی، اِسکی ریزورٹس اور سمندری غذا کے لیے یہاں آتے ہیں۔
