شیگا: صوبہ شیگا کی گورنر یوکیکو کادا نے پیر کو کہا کہ وہ ایٹمی توانائی مخالف پلیٹ فارم رکھنے والی ایک نئی سیاسی جماعت بنانے پر غور کر رہی ہیں۔ یہ جاپانی سیاست میں 17 ویں سیاسی جماعت بن جائے گی۔
کادا نے رپورٹروں کو بتایا کہ جاپانی سیاست کی موجودہ صورتحال دلدل میں دھنسی ہوئی ہے اور کوئی بھی کسی بات پر اتفاق رائے حاصل نہیں کر سکتا۔ انہوں نے کہا کہ نئی جماعت، جس کا نام جاپان فیوچر پارٹی ہو گا، جاپان میں ایٹمی توانائی ضروریات پر انحصار کی مخالفت کرنے والی تمام قوتوں کو اکٹھا کرے گی۔
کادا نے کہا کہ انہیں امید ہے کہ وہ یکساں سوچ والی چھوٹی جماعتوں جیسا کہ اچیرو اوزاوا کی پیپلز لائف فرسٹ پارٹی، گرینڈ ونڈ اور شیزوکا کامئیے کی ٹیکس کٹ پارٹی کے ساتھ اتحاد بنا سکیں گی۔
کادا منگل کی سہ پہر کو اپنے منصوبوں کی تفصیل بتانے کے لیے نیوز کانفرنس کریں گی۔
