پریس: او ای سی ڈی کی رپورٹ کا کہنا ہے کہ تعلیم میں خواتین کی بڑھی ہوئی شراکت داری نے ابھی جاپان اور کئی دوسرے ممالک کی لیبر مارکیٹوں میں صنفی مساوات پیدا نہیں کی۔ آج جاپان میں نوجوان مردوں کے مقابلے میں نوجوان خواتین کے پاس یونیورسٹی ڈگری ہونے کے زیادہ امکانات ہوتے ہیں: 45 تا 54 سال کے 23 فیصد مرد و 32 فیصد خواتین جبکہ 25 تا 34 سال کے گروپ میں 59 فیصد خواتین اور 52 فیصد مرد۔ ایک اور صنفی امتیاز تعلیمی شعبے کے چناؤ میں بھی ابھی تک موجود ہے: صحت اور تعلیم کے قریباً 60 فیصد جاپانی گریجویٹ خواتین ہوتی ہیں، جس کے مقابلے میں صرف 10 فیصد خواتین کمپیوٹنگ اور انجینئرنگ سے فارغ التحصیل ہوتی ہیں۔
رپورٹ کے مطابق، جاپانی خواتین کو سب سے اونچے عہدے تک پہنچنے میں بھی بہت دشواری کا سامنا ہوتا ہے اور جاپان میں 5 فیصد سے بھی کم لسٹڈ کمپنیوں کی بورڈ ممبر خواتین ہیں، جو او ای سی ڈی ممالک میں کم ترین تناسب میں سے ایک ہے۔
بہت سی جاپانی خواتین اب بھی بچے کی پیدائش پر افرادی قوت سے باہر نکل آتی ہیں اور اکثر اپنا باقاعدہ ملازمتی روزمرہ دوبارہ سے شروع نہیں کر پاتیں: دوہری جاپانی لیبر مارکیٹ میں، خواتین اکثر نسبتاً کم معاوضے والی بے قاعدہ ملازمت پر جا ٹکتی ہیں۔
