ٹوکیو (اے ایف پی): میڈیا رپورٹ اور گرین پیس کے مطابق، جاپانی وہیل شکار جہازوں نے جمعہ کو بندرگاہ سے چھوڑ دی اور بحر جنوبی میں جسیم بحری ممالیوں کے سالانہ شکار پر روانہ ہو گئے۔
فشریز ایجنسی کا حوالہ دیتے ہوئے کیودو نیوز نے اطلاع دی کہ تین جہاز شیمونوسےکی کی دور مغرب میں واقع بندرگاہ سے روانہ ہوئے، جبکہ ماحولیاتی گروپ گرین پیس نے کہا کہ وہیل شکار بحری بیڑے کے مادر جہاز نے ایک اور بندرگاہ سے روانگی اختیار کی، جو مغرب میں ہی واقع ہے۔
“آج ایک طرح سے ان کی بحر جنوبی کے لیے روانگی کے لیے آخری دن تھا،” گرین پیس کے جاپان میں ایگزیکٹو ڈائریکٹر جونی چی ساتو نے کہا، اور مزید اضافہ کیا کہ فشریز ایجنسی نے اسی ماہ روانگی کا اعلان کیا تھا۔
فشریز ایجنسی نے قبل ازیں کہا تھا کہ مارچ تک بحری بیڑہ 935 کے قریب انٹارکٹک منک وہیلیں اور 50 کے قریب فِن والی وہیلوں کا شکار کرنے کا ارادہ رکھتا ہے۔
جاپانی حکام نے اے ایف پی کو دونوں میں سے کسی بھی روانگی کی تصدیق سے انکار کیا ہے۔
بحری بیڑے کی روانگی متوقع تاریخ سے کئی ہفتے بعد اور امریکی عدالت کے ایک فیصلے سے چند ہی دن بعد عمل میں آئی ہے جس میں جنگجو ماحولیاتی گروپ سی شیفرڈ کو وہیل شکار کرنے والے جہازوں سے 500 قدم (460 میٹر) کے فاصلے پر رہنے کا حکم دیا گیا ہے۔
