ٹوکیو: نئے سال کے موقع پر سالانہ فائر ریویو، جسے “دیزومےشیکی” کہا جاتا ہے، اتوار کو ٹوکیو بِگ سائٹ میں منعقد ہو گا۔
یہ ایونٹ میٹروپولیٹن فائر ڈیپارٹمنٹ کی جانب سے آگ اور آفات سے بچاؤ کا شاندار مظاہرہ ہوتا ہے۔ اس میں فائر فائٹنگ کی مشقیں، بچاؤ، ابتدائی طبی امداد، فائر فائٹنگ کے ساز و سامان کی ایک پریڈ اور کئی دوسرے مظاہرے شامل ہوتے ہیں۔
مظاہرین بانس کی سیڑھیوں پر بازی گرانہ کرتب دکھائیں گے، جبکہ 2700 کے قریب پیشہ ور فائر فائٹر اور ٹوکیو میں کمیونٹی پر مشتمل فائر کمپنیوں کے اراکین اور 130 سے زیادہ آگ بجھانے والی گاڑیاں، ہیلی کاپٹر اور بحری جہازوں کو بھی حرکت میں لایا جائے گا۔
یہ ری ویو صبح 9:30 بجے منعقد ہو گا۔
