سڈنی: سی شیفرڈ کے مفرور بانی کے جنگجو اینٹی وہیلنگ گروپ کے کلیدی عہدوں سے علیحدگی اختیار کر لی ہے، اور انٹارکٹک میں وہیل شکاریوں کا پیچھا کرنے کی مہم کا تخت ایک سابق آسٹریلوی سیاستدان کے حوالے کر دیا ہے۔
کینیڈی پاؤل واٹسن پچھلی جولائی سے جرمنی میں ضمانت کروا کر بھاگ نکلنے کی وجہ سے انٹرپول کو مطلوب ہے، جہاں اسے کوسٹا ریکا میں لگے الزامات کے تحت گرفتار کیا گیا تھا، جن کے مطابق وہ 2002 میں شارک کے فِن (کوہان) کے معاملے پر ایک سمندری جھگڑے میں ملوث رہا تھا۔
واٹسن کا محل وقوع دسمبر تک ایک راز ہی رہا ہے، جب اس نے تصدیق کی کہ وہ سی شیفرڈ کے جہاز پر واپس آ چکا ہے اور جاپانی وہیلنگ بیڑے کے خلاف گروپ کی سالانہ بحرِ جنوبی کی مہم کے لیے تیار ہے۔
سی شیفرڈ آسٹریلیا کے ڈائریکٹر جیف ہانسِن مہم کے شریک رہنما ہوں گے، اور کہا کہ قیادت میں تبدیلی فطری ارتقاء کا نتیجہ ہے جیسا کہ آسٹریلوی بازو تنظیم میں بھاری حد تک دخیل و فعال ہے اور یہ براعظم انٹارکٹکا کے قریب بھی ہے۔
سی شیفرڈ کا دعوی ہے کہ پچھلے آٹھ وہیلنگ سیزنوں میں وہ 4000 وہیلوں کی جان بچا چکے ہیں، اور ہر بار جاپانی ہارپون بردار بحری بیڑے کے خلاف پہلے سے زیادہ ہراساں کرنے والی مہم چلاتے ہیں۔
