بیجنگ: چین نے پیر کو کہا کہ امریکہ مشرقی بحرِ چین میں جزائر کے معاملے پر بیجنگ کے جاپان کے ساتھ تنازع کے سلسلے میں “ناقابلِ تردید تاریخی ذمہ داری” کا حامل ہے، جو کہ دوسرا مسلسل دن ہے جب اس نے کشیدگی کے ذمہ دار کے طور پر واشنگٹن کو بھی کسی نہ کسی طرح نامزد کیا ہے۔
جاپان دلائل دیتا ہے کہ جزائر پر اسے خودمختاری حاصل ہے اور اس لیے مذاکرات کے لیے کچھ بھی نہیں ہے۔ چین بھی ان جزائر پر دعوی کرتا ہے، اور تائیوان بھی۔
ستمبر نے چین نے بار بار جزائر کے اطرافی پانیوں میں جاپانی کوسٹ گارڈ کے جہازوں سے مڈھ بھیڑ کے لیے اپنے سرکاری جہاز بھیجے ہیں اور اس ماہ کے شروع میں ایک چینی نگران طیارے کا پیچھا کرنے والے جاپانی لڑاکا طیاروں کے پیچھے دو لڑاکا جیٹ بھی اڑائے تھے۔
انہوں نے امریکی اہلکاروں پر زور دیا کہ وہ “دیاؤیو کے معاملے سے ذمہ دارانہ انداز میں نپٹیں، اپنے الفاظ اور افعال پر توجہ دیں، خطے میں استحکام اور چین امریکہ تعلقات قائم رکھیں، تاکہ چینی لوگ ان پر اعتماد کر سکیں”۔
