ٹوکیو: وزیرِ اعظم شینزو ایبے نے اتوار کو کہا کہ ایوانِ بالا کا چناؤ 21 جولائی کو ہو گا اور معیشت کمزور رہنے کی صورت میں اگلے برس شیڈول شدہ کنزمپشن ٹیکس میں اضافے میں تاخیر کا اشارہ بھی کیا۔
ایبے نے قومی نشر کار این ایچ کے کے ساتھ ایک لائیو انٹرویو میں سرمایہ کاری کی ترغیب کے لیے نومبر میں ٹیکس میں “ڈرامائی” بریک کا وعدہ بھی کیا، اور اسے اپنے وسیع بڑھوتری کے اقدامات کا دوسرا مرحلہ قرار دیا۔
کنزمپشن ٹیکس میں اضافے کا فیصلہ پچھلے برس اس وقت کے وزیرِ اعظم یوشیکو نودا نے پیش کیا تھا، جن کی ڈیموکریٹک پارٹی نے دسمبر میں قومی انتخابات ہار دئیے۔
ایبے کے خیالات ایسے وقت سامنے آئے ہیں جب وہ ایوانِ بالا کے اہم انتخابات کے لیے تیاری کر رہے ہیں، جب کہ انہوں نے کاروبار نواز اقتصادی اصلاحات کا پلیٹ فارم جاری کیا ہے، جس میں زری نرمی کے جارحانہ اقدامات اور بڑے مالیاتی اخراجات شامل ہیں۔
این ایچ کے سے انٹرویو میں انہوں نے کہا کہ چناؤ 21 جولائی کو ہو گا، جب دائت کا موجودہ سیشن 26 جون کو ختم ہو جائے گا۔
