ہیروشیما: پولیس نے پیر کو کہا کہ ایک 80 سالہ شخص اور اس کے سب سے بڑے بیٹے کو اتوار کو ہیگاشی ہیروشیما میں واقع ان کے گھر میں ایک عزیز نے چاقو کے وار کر کے گھائل کر دیا۔
ٹی بی ایس کے مطابق، یہ واقعہ تاکیشی ہیگاشی کے گھر پر پیش آیا، جہاں اطلاع کے مطابق سات اہلخانہ اکٹھے رہتے ہیں۔ ہیگاشی کے 23 سالہ پوتے کی جانب سے رات 3:30 کے قریب پولیس کو مکان پر بلایا گیا۔ پولیس رہائشگاہ پر پہنچی تو انہوں نے ہیگاشی اور اس کے 56 سالہ بیٹے یوئچی کو چاقو کے وار سے مردہ پایا۔ پولیس نے کہا، ہیگاشی کے پوتے کی کلائیوں پر چاقو کے زخموں سے خون بہہ رہا تھا۔
ٹی بی ایس نے کہا کہ ہیگاشی کے پوتے کو علاج کے لیے ہسپتال لے جایا گیا، جہاں پولیس کے مطابق اس نے ایسے خیالات کا اظہار کیا جس سے ہلاکتوں میں اس کے ملوث ہونے کا عندیہ ملتا ہے۔ پولیس نے کہا، تفتیش جاری ہے جس میں بقیہ تمام تر خاندان سے پوچھ گچھ کی جائے گی۔ پولیس نے کہا، ہیگاشی کے پوتے پر ہسپتال سے فارغ ہونے کے بعد قتل کا الزام عائد کیا جائے گا۔
