ایباراکی: پولیس نے پیر کو کہا، ایک 10 سالہ بچی ابھی تک بے ہوش اور سخت زخمی حالت میں ہے جب ایک 30 سالہ شخص نے صوبہ ایباراکی میں اسے پیٹا تھا۔
پولیس کے مطابق، عینی شاہدین نے خبر دی کہ بچی کو اتوار کو سہ پہر 4 بجے کے قریب ریوگاساکی میں ایک کاراؤکے کی عمارت کے باہر حملے کا نشانہ بنایا جا رہا تھا۔ فُوجی ٹی وی نے خبر دی کہ حملہ آور، جس کی عمر 30 سال اور نام ہیرومی ناگوچی پتا چلا ہے، کو گھیر کر جائے وقوعہ سے قریباً 500 میٹر دور ایک تنگ گلی سے حراست میں لے لیا گیا۔
پولیس کا کہنا ہے کہ ناگوچی نے حملے کے دوران بچی کو مُکے اور لاتیں ماریں، جس سے وہ برین ہیمریج کا شکار ہو گئی۔ ڈاکٹروں کا کہنا ہے کہ بچی زندہ ہے تاہم وہ ابھی تک بے ہوش ہے اور اس کی حالت خطرے میں ہے۔
فُوجی کے مطابق، ناگوچی نے پولیس کو بیان میں کہا کہ وہ بچی پر جنسی حملہ کرنے کے لیے اس کے پاس گیا تھا۔
