کوبے: پولیس نے جمعرات کو کہا کہ وہیل چئیر میں بیٹھا ایک 77 سالہ شخص کوبے میں ٹرین کی ٹکر سے ہلاک ہو گیا۔
فُوجی ٹی وی کے مطابق، ماساہیکو ہاتاناکا، جو وہیل چئیر کا معذور استعمال کار تھا، کو دوپہر 1 بجے کے قریب شہر کے کیتا وارڈ میں ایک ریلوے کراسنگ پر ٹرین نے ٹکر مار کر ہلاک کر دیا۔
پولیس نے کہا ٹرین ڈرائیور نے ہاتاناکا کو ایک لیول کراسنگ پر دیکھا اور بریک لگائے، تاہم وہ ٹرین کو وقت پر نہ روک سکا۔ ہاتاناکا کو ہسپتال میں مردہ قرار دے دیا گیا۔
پولیس کا خیال ہے یہ واقعہ اس وقت پیش آیا جب ہاتاناکا قریبی مرکزِ معذوراں کی جانب واپس جا رہا تھا جہاں وہ رہائش پذیر تھا۔ وہ دوپہر کے کھانے کے لیے باہر گیا تھا اور واقعے کے وقت اپنی اشیائے خورد و نوش کے ساتھ مرکز کی جانب واپس جا رہا تھا۔ پولیس کا خیال ہے کہ وہیل چئیر کراسنگ پر پھنس گئی۔
