ٹوکیو: پولیس والوں نے پیر کو کہا کہ انہوں نے ایک 29 سالہ بے روزگار عورت کو حراست میں لیا ہے جس نے 30 جولائی کو ٹوکیو میں تاکادانوبابا اسٹیشن کے زنانہ بیت الخلاء میں گرم مصالحے کا سپرے کیا تھا۔ 10:30 بجے رات کو ہونے والے اس حملے کے بعد سات خواتین کو ہسپتال لے جایا گیا تھا، جو اسپرے کے بعد آنکھوں اور گلے میں درد کی شکایت کر رہی تھیں۔
پولیس نے مشتبہ کی شناخت مایا کاشیواگی کے نام سے کی، جو ساگامیہارا، صوبہ کاناگاوا میں رہتی ہے۔ فُوجی ٹی وی نے خبر دی کہ نگران کیمرے کی فوٹیج سے پتا چلا کہ کاشیواگی حملے کے بعد جے آر یامانوتے لائن کے پلیٹ فارم کی جانب بھاگ رہی تھی اور ٹرین میں سوار ہو گئی۔
پولیس نے کہا کاشیواگی نے حملے کا اعتراف کیا ہے اور کہا کہ وہ بیت الخلاء جانے کے لیے لائن میں کھڑے رہنے سے بیزار ہو گئی تھی۔
