چیبا: پولیس نے پیر کو کہا، کیمی میتسو، صوبہ چیبا میں ایک آدمی اپنی بیوی کا زیر جامہ چرانے والے کو پکڑنے کے لیے 2.5 کلومیٹر تک ایک چلتی ہوئی کار کی چھت سے چمٹا رہا۔
فُوجی ٹی وی نے خبر دی کہ پولیس کے مطابق، 32 سالہ شوہر نے اپنی بالکونی سے زیر جامے چرانے والے کا پتا چلانے کے لیے اپنی بیوی کے زیر جامے سے ایک مچھلی پکڑنے والی ڈوری اور دو گھنٹیاں باندھ دیں۔ جب مبینہ چور ہفتے کی رات 10:30 واپس لوٹا تو عورت کے شوہر نے باہر اس کا پیچھا کیا اور اس کی کار کی چھت پر چھلانگ لگا دی۔ 53 سالہ مشتبہ، جس کا نام ہیروشی اشیکاوا پتا چلا ہے، نے جائے وقوعہ سے بھاگنے کی کوشش کی اور 2.5 کلومیٹر تک اس طرح کار چلاتا رہا کہ وہ شخص اس کی چھت سے چمٹا ہوا تھا۔
پولیس نے کہا کہ آدمی کو کار کی چھت سے گرنے کے بعد ٹانگ پر ہلکی سی چوٹ آئی، جس کے بعد اس نے فوری طور پر پولیس کو اس واقعے کی اطلاع دی اور کار کے حلیے کے ساتھ ساتھ لائسنس پلیٹ کی معلومات بھی مہیا کیں۔
پولیس نے کہا انہوں نے اشیکاوا کو ڈکیتی کے الزام میں حراست میں لے لیا ہے۔ پوچھ گچھ کے دوران اشیکاوا نے اپنے بیان میں کہا کہ وہ کار چلاتا رہا چونکہ وہ خوفزدہ تھا۔
