اوکایاما: تاکاہاشی، صوبہ اوکایاما میں پولیس نے ایک 18 سالہ طالبعلم کو جز وقتی ہائی اسکول سے حراست میں لیا ہے۔ اس نے ایک چاقو سے استاد کو گھائل کر دیا تھا اور اس پر اقدامِ قتل کا الزام عائد کیا گیا ہے۔
پولیس کے مطابق، یہ واقعہ جمعرات کی سہ پہر 12:30 بجے تاکاہاشی ماتسویاما میونسپل ہائی اسکول کے اسٹاف روم میں پیش آیا۔ فوجی ٹی وی نے خبر دی کہ لڑکے نے اسٹاف روم میں استاد کو گھائل کیا اور پولیس کے آنے تک دیگر اساتذہ نے اسے قابو کیے رکھا۔
پولیس نے کہا، استاد کو پیٹ کے زخموں کے ساتھ ہسپتال لے جایا گیا اور وہاں جمعے کو مستحکم حالت میں تھا۔
اسکول ایک جز وقتی ادارہ ہے اور اس وقت بہاریہ تعطیلات پر تھا۔ اسکول کے اہلکاروں کے مطابق، اس طالبعلم نے پچھلے برس ستمبر سے اب تک ایک مرتبہ بھی اسکول حاضری نہیں دی۔
پولیس نے کہا کہ نوجوان نے حملے کی کوئی وجہ بیان نہیں کی۔
