ہیوگو: ایک 34 سالہ خاتون اور اس کا 5 سالہ بچہ ایک کار کی ٹکر میں ہلاک ہو گئے۔ وہ اتوار کو تامبا، صوبہ ہیوگو میں ایک چوک پر پولیس کی گشتی کار سے ٹکرا گئے تھے۔
پولیس کے مطابق، یہ حادثہ دوپہر 12:30 کے قریب ایک چوک پر پیش آیا۔ فُوجی ٹی وی نے خبر دی کہ چوک میں ٹریفک اشارے لگے ہوئے ہیں۔ 39 سالہ پولیس افسر گشتی کار چلا رہا تھا۔ اس نے بیان میں کہا کہ جب وہ چوک سے گزرا تو اشارہ سبز تھا اور اسی اثنا میں بائیں سے آنے والی کار اس میں آ لگی۔
اس تصادم کی وجہ سے دوسری کار ایک طرف کو ہوتی ہوئی ایک کھمبے سے جا ٹکرائی۔ کار کی ڈرائیور آسامی یورا اور اس کے بچے کانتا کو ہسپتال لے جایا گیا جہاں ان کی موت کا اعلان کر دیا گیا۔ پولیس نے کہا، ایک تین سالہ بچے کو بھی زخم آئے تاہم اس کی زندگی کو خطرہ نہیں تھا۔ خیال ہے کہ یہ اس خاتون کا سب سے چھوٹا بیٹا تھا۔
