فوکوشیما پلانٹ پر پانی کو آلودگی سے پاک کرنے والا نظام ایک بار پھر بند

ٹوکیو: جاپان کے تباہ شدہ فوکوشیما ایٹمی بجلی گھر کے آپریٹر نے منگل کو کہا کہ اس نے ایک مرتبہ پھر مسائل زدہ صفائی نظام بند کر دیا ہے۔ یہ نظام تابکاری سے آلودہ پانی صاف کرنے کے کام آتا ہے۔

ٹوکیو الیکٹرک پاور کو (ٹیپکو) نے کہا کہ اعلی مائع عمل کاری نظام (اے ایل پی ایس) پیش تیار موڈ میں ہے۔ پتا لگا تھا کہ عمل کاری شدہ پانی شفاف ہونے کی بجائے گدلا ہے۔

ٹیپکو کے ایک ترجمان نے کہا، خیال ہے کہ معمول سے بلند مقدار میں کیلشیم اس کی وجہ ہے۔ تاہم یہ مقدار کیوں بڑھی، اس کی وجہ ابھی نامعلوم ہے۔

الپس نامی یہ نظام تابکاری سے آلودہ پانی کو صاف کرتا ہے۔ جاپان کے 2011 کے تباہ کن زلزلے و سونامی کی وجہ سے پگھلاؤ کے بعد فوکوشیما ڈائچی پلانٹ پر ری ایکٹروں کو ٹھنڈا رکھنے کے لیے ان پر پانی ڈالا جاتا ہے۔

یہ نظام پچھلے برس کام کرنا شروع ہوا تھا اور تب سے ہی ٹیپکو اسے بار بار بند کر چکا ہے۔

آپ کومنٹ میں اپنی رائے دے سکتے ہیں ۔