سئیول/ ٹوکیو: وزیر اعظم یوشیکو نودا نے منگل کو شمالی کوریا پر زور دیا کہ وہ اپنے پلان شدہ راکٹ داغنے کو منسوخ کر دے۔ انہوں نے نیوکلیئر سیکیورٹی سمٹ کے موقع پر دنیا کے رہنماؤں کو بتایا کہ یہ اقدام اقوام متحدہ کی قراردادوں کی خلاف ورزی ہے۔ جبکہ ایک میزائل شکن یونٹ ٹوکیو میں بھی تعینات کیے جانے کی توقع ہے، اگرچہ دارالحکومت پرواز کے متوقع راستے سے بہت پرے واقع ہے۔
سئیول نے بھی خبردار کیا ہے کہ اگر شمالی کوریا کا راکٹ جنوبی کوریائی علاقے کے اوپر سے گزرا تو وہ اسے مار گرا سکتا ہے۔
جاپان اپنے میزائل شکن یونٹس حرکت میں لایا ہے اور 2009 میں ہونے والے راکٹ داغنے کی طرح شمالی کوریا کو وارننگ جاری کی ہے، جس میں کوئی میزائل شکن نظام چلایا نہیں گیا تھا۔
جاپانی تباہ کار بحری جہازوں پر موجود میزائل شکن میزائل پہلی دفاعی صف کا کام کریں گے، جبکہ زمین سے مار کرنے والے پیٹریاٹ میزائل بیک اپ کا کام کریں گے۔
