ناگانو: پولیس نے پیر کو کہا کہ وہ ہفتے کو ناگانو صوبے کے دریا میں گر کر ڈوب جانے والے دو ماہ کے بچے کے واقعے کی تحقیقات کر رہے ہیں۔
پولیس کے مطابق، لڑکا، جس کا نام زین اوکادا بتایا گیا ہے، اپنی ماں اور بڑے بھائی کے ساتھ دریائے ماتسوکاوا کے نزدیک ایدا میں واقع اپنے گھر میں ہفتے کی شام ساڑھے چھ بجے کے قریب کھیل رہا تھا۔ ایک مقامی رہائشی نے فوجی ٹی وی کو بتایا کہ ماں بچے کو اٹھائے ہوئے تھی۔
ماں نے پولیس کو بتایا کہ بچہ اس کی گرفت سے پھسل گیا اور دریا میں گر گیا جسے بظاہر دریا کا بہاؤ اپنے ساتھ لے گیا۔ ماں نے بچے کے پیچھے دریا میں چھلانگ لگائی لیکن اسے ڈھونڈ نہ سکی۔
لڑکے کے خاندان نے ہنگامی خدمات والوں سے رابطہ کیا جنہوں نے اتوار کی صبح ایک کشتی اور ہیلی کاپٹر کا بندوبست کیا۔ بچے کی لاش گرنے کے مقام سے قریباً 900 میٹر دور بہاؤ کے ساتھ پائی گئی۔
پولیس اس وقت اس واقعے کی وجوہات کا پتا چلانے کے لیے تفتیش کر رہی ہے۔
