ٹوکیو کے بڑبولے گورنر نے جمعہ کو کہا کہ وہ چین کے تلخ علاقائی تنازع کا مرکز جزائر کی ایک لڑی کا دورہ کریں گے، جس سے پہلے ہی جلتے سفارتی تعلقات پر مزید تیل پڑ سکتا ہے۔
شینتارو اشی ہارا، جو اپنے قوم پرستانہ خیالات کی وجہ سے مشہور ہیں، نے کہا کہ وہ اکتوبر میں جنوبی بحر چین میں واقع غیر آباد جزائر کے سلسلے پر اترنے کا ارادہ کر رہے ہیں، جنہیں جاپانی میں سین کاکو اور چینی میں دیاؤیو کہا جاتا ہے۔
ان کا جمعے کا اعلان اس وقت سامنے آیا ہے جب اس مہینے جزائر پر اترنے والے بیجنگ نواز ایکٹوسٹوں کی جاپانی پولیس کے ہاتھوں گرفتاری اور بعد میں ڈی پورٹ کیے جانے کے بعد چین اور جاپان ہر دو جگہ قوم پرستانہ جذبات اپنی بلندی پر ہیں۔
اشی ہارا، جو ان جزائر کو ان کے نجی جاپانی مالک سے خریدنے کے لیے عوامی عطیات اکٹھے کرتے رہے ہیں، نے مزید کہا کہ سروئیرز، حیاتیات دانوں اور مقامی سیاستدانوں کی ایک ٹیم اگلے ہفتے متنازع لڑی کا دورہ کرے گی۔
