آزاز، شام: جاپانی صحافی میکا یاماموتو کو جنگ زدہ شہر حلب لے جانے والے شامی ڈرائیور نے کہا کہ اسے صدر بشار الاسد کی وفادار ملیشیا کے آدمیوں نے اس وقت گولی مار کر قتل کیا جب وہ عام شہریوں کی مدد کے لیے ایک مشن میں باغیوں کا پیچھا کر رہے تھے۔
38 سالہ ڈرائیور، جس نے اپنا نام صرف عبدالرحمن بتایا، نے رائٹرز کو بتایا کہ یاماموتو اور اس کی کولیگ کازوکاتا ساتو نے امریکی فنڈ سے چلنے والے ال حُرا ٹیلی وژن کے لیے کام کرنے والے دو صحافیوں کے ہمراہ ترک سرحد پار کی تھی، اور شمالی شہر حلب لے جانے کو کہا تھا۔
اس نے کہا، “جب ہم حلب پہنچے تو ہم نے باغیوں سے پوچھا کہ کونسے اضلاع ان کے قبضے میں ہیں، اور ہم حکومتی نشانہ بازوں کا نشانہ بنے بغیر کس طرح محفوظ انداز میں صلاح الدین پہنچ سکتے ہیں”۔
حلب میں سے گزرتے ہوئے ایک ہیلی کاپٹر اوپر سے گزرا اور سلیمان الحلبی ضلع میں فائرنگ شروع کر دی۔ باغیوں نے طیارہ مار توپوں کے ذریعے جوابی فائرنگ شروع کر دی۔
ابو نصر نے ڈرائیور کو بتایا کہ وہ حملے میں مرنے اور زخمی ہونے والوں کو واپس حاصل کرنے کے لیے ضلع میں فوجی بھیجے گا۔
صحافیوں کی ٹیم نے ڈرائیور کو سلیمان الحلبی کی سرحد پر گاڑی پارک کرنے کی کہا اور باغیوں کے ساتھ پیدل اندر چلے گئے۔
کمانڈر اپنے آدمیوں سے ملنے کے لیے دوبارہ ضلعے میں داخل ہوا اور آدھے گھنٹے بعد واپس آ کر بتایا کہ یاماموتو ماری گئی ہے۔
