میاگی: پولیس نے جمعرات کو کہا کہ اوساکی، صوبہ میاگی میں جنگل کے راستے پر بے یار و مددگار کھڑی ایک کار سے ایک آدمی کی لاش برآمد ہوئی۔
پولیس نے کہا کہ انہوں نے بدھ کی صبح 11 بجے کے قریب ایک نزدیکی رہائشی کی کال وصول کی جس میں اطلاع دی گئی تھی کہ صوبہ اکیتا کی نمبر پلیٹ والی ایک گاڑی کو ناروکو اونسِن، صوبہ میاگی کے قریب جنگل میں ایسے ہی چھوڑ دیا گیا ہے۔ قریباً تین بجے سہ پہر کے قریب افسران نے کار کی ڈگی کھولی اور ایک آدمی کی لاش پائی جسے تیز دھار آلے سے قتل کیا گیا لگتا تھا۔
پولیس کے مطابق، افسران کی آمد پر دروازے اور ڈگی مقفل تھے۔ پولیس کا کہنا ہے کہ ان کے خیال میں آدمی چند دنوں سے لے کر چند ہفتوں کے دوران کسی وقت مرا۔ پولیس نے کہا کہ مقتول کو شکم میں تیز دھار آلے کے کئی ایک زخم سہنا پڑے تھے، تاہم کار میں خون کے واضح نشانات یا کشمکش کے آثار نہیں پائے گئے۔
خیال ہے کہ مقتول اس کار کا مندرج شدہ مالک بھی ہے، اور 40 کے قریب کی عمر کا حامل اکیتا کا ایک کاروباری آدمی ہے جو یکم ستمبر سے لاپتہ تھا۔
