ٹوکیو: جاپان نے جمعہ کو کہا کہ وہ 5 ٹریلین ین کے اخراجات معطل کر دے گا چونکہ سیاسی عداوت نے حکومت کو نقدی کے سخت بحران کا سامنا کرنے کے لیے چھوڑ دیا ہے جس کی وجہ سے روپیہ چند ہی ماہ میں ختم ہو سکتا ہے۔
اہلکاروں نے خبردار کیا کہ اس کے صندوقوں میں اخراجات پورے کرنے کے لیے مناسب روپیہ نہیں ہو گا جبکہ سیاسی ڈیڈ لاک نے ایک بانڈ کے اجراء کا بل روک دیا ہے جس کی مدد سے مارچ کو ختم ہونے والے مالی سال کے لیے ٹوکیو کے اخراجات کا 40 فیصد ادا کیا جانا تھا۔
وزیر خزانہ جون ازومی نے خبردار کیا کہ اگر اپوزیشن کی قیادت میں تعطل بازی جاری رہی تو محفوظ شدہ سرکاری نقدی “نومبر کے آخر تک زیادہ تر خالی ہو جائے گی”، جبکہ دائت کا موجودہ سیشن ہفتے کو ختم ہو رہا ہے۔
ازومی نے مزید کہا، جاپان شاید “امریکہ میں پیدا ہونے والی صورت حال” کا سامنا کرنے والا ہو، جب 1955 میں امریکی حکومت کی بندش کی وجہ بہت سے قومی پارک عارضی طور پر بند کر دئیے گئے، ہزاروں سرکاری ملازمین کو عارضی طور پر کام سے ہٹانا پڑا اور فوج کے ریٹائر ملازمین کو امدادی رقوم کی فراہمی معطل کرنا پڑی۔
تاہم حکومت نے کہا کہ وہ اپنے قرضوں کی ادائیگی جاری رکھے گی، جبکہ سوشل سیکیورٹی، دفاع، پولیسنگ، بحری سیکیورٹی، اور آفت سے نمٹنا بھی جاری رہے گا۔
