ٹوکیو: پولیس نے جمعرات کو کہا کہ 30 کے پیٹے میں ایک خاتون اور اس کا 5 سال کی عمر کے قریب بچہ، ٹوکیو کے ضلع شیبویا کے ایک اپارٹمنٹ میں مردہ پائے گئے۔
پولیس کے مطابق، خاتون اور لڑکے کی لاشیں صبح 7 بجے کے قریب دریافت کی گئیں۔ دونوں کمر کے بل بیڈ پر لیٹے ہوئے تھے اور ان کے چہروں کے گرد تولیے لپٹے ہوئے تھے۔ پولیس نے کہا کہ بظاہر ان کی موت سانس گھٹنے سے ہوئی، اور مزید کہا کہ خاتون قریباً ایک دن قبل مر چکی تھی اور اس کا لڑکا نصف دن قبل موت کا شکار ہوا۔ پولیس نے کہا کہ خاتون کے گلے کے گرد دبائے جانے کے نشان بھی تھے۔
پولیس نے کہا کہ وہ 60 کے پیٹے میں ایک آدمی کی تلاش میں ہیں جو مرنے والوں کے ساتھ اس اپارٹمنٹ میں رہتا تھا۔ یہ آدمی جمعرات کو علی الصبح اپنے عزیزوں کو کال کرنے کے بعد سے لاپتہ ہے، جس میں اس نے کہا تھا کہ اس نے خاتون اور بچے کو قتل کر دیا ہے۔ پولیس نے کہا کہ انہوں نے خواب گاہ میں ایک نوٹ پایا، جس میں لکھا تھا “میں تمہارا پیچھا کروں گا”۔
پولیس نے کہا کہ آدمی کی کار لاپتہ تھی اور اس کا سیل فون کال وصول نہیں کر رہا تھا۔
