ٹوکیو: وزراء نے بدھ کو بتایا، کابینہ نے بدھ کو پچھلے سال کی فوکوشیما آفت کے بعد ایٹمی توانائی پر ملک کا انحصار کم کرنے کے لیے نئے توانائی منصوبے کی منظوری دے دی، تاہم اس نے 2030 تک ایٹمی توانائی سے پاک ہونے کے ہدف کی جانب اشارہ ختم کر دیا۔
وزیر تجارت یوکیو ایدانو، جو توانائی کے معاملات کو بھی دیکھتے ہیں، نے کہا کہ کابینہ نے نئے توانائی منصوبے کی منظوری دے دی۔
نئے توانائی منصوبے کے تحت، ری ایکٹروں کے 40 سال دورانیہ زندگی کی سختی سے پابندی کروائی جانی چاہیئے۔ یہ بھی کہا گیا کہ فوکوشیما کے بعد موجودہ ری ایکٹر اسی وقت چلائے جائیں جب نیا نگران ادارہ ان کے محفوظ ہونے کی تصدیق نہ کر دے اور نئے ایٹمی ری ایکٹروں کی بھی کوئی تعمیر نہ ہو۔
ایدانو نے کہا، نو قائم شدہ ایٹمی ریگولیشن اتھارٹی (این آر اے) یہ فیصلہ کرے گی کہ آیا اس وقت زیر تعمیر ری ایکٹر تجارتی استعمال کے لیے محفوظ ہیں یا نہیں۔
