ٹوکیو: ایک سابق پولیس افسر، جس پر ایک خاتون کو اپنی تلوار سے قتل کرنے کا شبہہ ہے، ٹوکیو کے سیتا گایا وارڈ میں واقع مقتولہ کے مکان میں بدھ کو مردہ پایا گیا۔ ٹی وی میڈیا نے واقعے کے دوران نوزاوا 1 کوم، سیتاگایا میں واقع مکان کے باہر پولیس والوں کو دکھایا۔
پولیس کے مطابق، 86 سالہ شخص، جس کی شناخت شیگی ماسو توکوناگا کے نام سے ہوئی ہے، نے 62 سالہ سیتوسوکو کوبو کو صبح 11:30 کے قریب گلی میں گردن پر تلوار کا وار کر کے گھائل کر دیا۔ کوبو کو ہسپتال لے جایا گیا لیکن اسے 1 بجے دوپہر مردہ قرار دے گیا گیا۔
توکوناگا، جو کوبو کے سامنے گلی میں دوسری طرف رہتا تھا، بظاہر کوبو کے مکان میں گھس گیا اور باہر آنے یا پولیس سے مذاکرات کرنے سے انکار کر دیا۔ جب پولیس دوپہر 1:40 پر اس مکان مین داخل ہوئی، تو انہوں نے اسے گردن میں زخموں کے ساتھ پایا۔
مقامی رہائشیوں نے کہا کہ کوبو اور توکوناگا مئی سے جھگڑ رہے تھے۔ حملے سے قبل کوبو نے 110 کو کال کر کے اطلاع دی تھی کہ اس کا ہمسایہ اس پر کیڑے مار دوا چھڑک رہا ہے۔
