ٹوکیو: کریڈٹ ریٹنگ ایجنسی موڈیز انویسٹر سروس کا کہنا ہے کہ جاپان کی حکمران اور اپوزیشن جماعتوں میں موجود تعطل خدشے کا باعث ہے چونکہ اس نے حکومتی اخراجات کی فنڈنگ کے لیے درکار اہم قانون سازی کو روکا ہوا ہے۔
جاپانی پالیسی سازی کا عمل پچھلے ماہ پارلیمان کے معمول کے سیشن کے اختتام کے بعد حکومت اور اپوزیشن میں ایک تعطل کی بنا پر بند ہو گیا ہے۔
موڈیز کے سینئر نائب صدر اور علاقائی کریڈٹ آفیسر ٹام بائرن نے رپورٹروں کو بتایا، جاپانی سیاستدانوں کے پاس قرضے کو کم کرنے کے لیے ابھی کچھ وقت ہے چونکہ حکومتی آمدن کم رہنے اور کرنٹ اکاؤنٹ بیلنس کچھ عرصے کے لیے سرپلس رہنے کی توقع ہے۔
بائرن نے کہا، “جاپان کی حکومت پر اعتماد کمزور ہے”۔
بینک آف جاپان کے مطابق، حکومت کے واجب الادا قرضوں کا 91.3 فیصد مقامی سرمایہ کاروں کے پاس ہے۔
بائرن نے کہا تاہم، مرکزی بینک کی جانب سے حکومتی قرضے کی خریداری موجودہ اقتصادی بدمزگی کا حل نہیں اور حکومت کو بڑھوتری بڑھانے کے لیے اقدامات کرنے کی ضرورت ہے۔
