پولیس نے بدھ کو ایک ڈرم کے اندر ایک شخص کی لاش دریافت کی جسے بیزن، صوبہ اوکایاما میں سمندر میں پھینکا گیا تھا۔ خیال ہے کہ آدمی میاکو سومیدا کیس میں لاپتہ ہونے والے افراد میں سے ایک ہے، جس میں آٹھ لوگوں کے بارے خیال ہے کہ وہ مردہ یا لاپتہ ہیں۔
سومیدا اور اس کا گھرانہ صوبہ ہیوگو میں کئی افراد پر حملے، قید، اور ہلاکت کے ذمہ دار سمجھے جاتے ہیں۔ پولیس اس کیس سے تعلق کے سلسلے میں سومیدا کے واقف کاروں سے پوچھ گچھ کر رہی ہے، جب آماگاساکی، صوبہ ہیوگو میں 14 اور 15 اکتوبر کو ایک مکان سے تین لاشیں دریافت ہوئیں تھیں۔
64 سالہ سومیدا پر دوسروں کے ہمراہ اس سال فروری میں ایک الگ مقدمے میں 66 سالہ خاتون پر حملہ کرنے، جس کے نتیجے میں وہ ہلاک ہو گئی، کا الزام عائد کیا گیا ہے، جس کی لاش بھی آماگاساکی میں نومبر 2011 کو ایک گودام سے کنکریٹ بھرے دھاتی ڈرم میں دفن ملی تھی۔
