ٹوکیو: جمعہ کی اطلاعات کے مطابق، اوکی ناوا کی پولیس ان الزامات کی تفتیش کر رہی ہے کہ ملک بھر میں فوجی کرفیو کے باوجود امریکی ملازمین نے یومیتان، اوکی ناوا میں واقع گھر میں گھس کر ایک ٹین ایجر لڑکے پر حملہ کیا ہے۔
یہ الزام امریکہ کی جانب سے جاپان میں تعینات اپنے 47000 کے فوجی عملے — جو اوکی ناوا اور دوسری جگہوں پر موجود ہیں — کو اوکی ناوا میں دو امریکی فوجیوں کی جانب سے ایک عورت کے مبینہ ریپ کے بعد غیر معینہ مدت تک رات کے کرفیو کا پابند کرنے کے چند ہی ہفتوں کے بعد سامنے آیا ہے۔
پولیس نے کہا کہ انہوں نے ایک پب مالک کی کال وصول کی جس میں کہا گیا تھا کہ امریکی فوج کا ایک رکن پی کر ہلڑ بازی کر رہا ہے۔ جب وہ موقع پر پہنچے تو انہوں نے مشتبہ کو کھڑکی میں سے چھلانگ لگانے کے بعد زمین پر لیٹے ہوئے پایا۔
اڈے کے اہلکاروں کے مطابق، مشتبہ، جس کا نام ظاہر نہیں کیا گیا، کو ہسپتال میں ٹوٹی پسلیوں اور اندرونی زخموں کے لیے معالجہ مہیا کیا جا رہا ہے۔ یہ مشتبہ اڈے سے باہر رہتا ہے۔
کاڈینا 18 ویں ونگ کے نائب کمانڈر کرنل برائن مک ڈینئیل نے کہا، “جب اس طرح کا کوئی مبینہ واقع رونما ہوتا ہے تو یہ انتہائی افسوسناک بات ہے”۔
