ٹوکیو: ٹوکیو اسکائی ٹری پر نصب شدہ نگرانی کے کیمروں کی تعداد اس سال کے آخر تک دوگنا کر کے 45 کی جا رہی ہے تاکہ ٹاور کے اطراف میں راہگیروں اور املاک پر برف کے تودے اور جمی ہوئی برف گرنے کا تدارک کیا جا سکے۔
2011 کی سرخیوں میں ایسی اطلاعات گھس آئی تھیں کہ عمارت کے اوپر والے حصے سے اطرافی گلیوں میں 400 میٹر کے حلقے میں برف کے ٹکڑے اور جمی ہوئی برف گری۔ توبو ریلوے کمپنی، جو ٹوکیو اسکائی ٹری کو چلاتی ہے، زور دیتی رہی ہے کہ مستقبل میں ایسے واقعات کے انسداد کے لیے اقدامات کر لیے گئے ہیں۔
پچھلے سال آبزرویشن ڈیک پر ایسا شیشہ نصب کیا گیا تھا جو برف کو جمع ہونے اور جمنے سے روکتا ہے۔ ڈیلویلپروں کے مطابق شیشے کے اندر تین ہزار ننھے ننھے برقی ہیٹر جَڑے ہوئے ہیں جو برف کو پگھلانے اور جمع ہونے سے روکنے کے لیے ڈیزائن کیے گئے ہیں۔
توبو ریلوے نے کہا کہ سرما کے عروج سے قبل عمارت پر برفباری اور برف جمنے کے عمل کی نگرانی کرنے کے لیے اضافی کیمرے نصب کیے جا رہے ہیں۔
