ٹوکیو: بوئنگ کو کے 787 بوئنگ ڈریم لائنر جیٹ کو جمعہ کو جاپان میں دو مختلف پروازوں کے دوران تڑخی ہوئی کاک پٹ اور تیل کے رساؤ کے حادثات سہنا پڑے، جو نئے نفیس طیارے پر اعتماد کا امتحان لینے والے واقعات کے سلسلے میں تازہ ترین اضافہ ہیں۔
آل ینپون ائیروےز کو، نے کہا کہ ٹوکیو سے ایک مقامی پرواز مغربی جاپان میں ماتسویاما کے ہوائی اڈے پر بحفاظت اترنے میں کامیاب رہی جب اس کے کاک پٹ میں ایک کریک پیدا ہو گیا تھا، اور طیارے کی ٹوکیو کی جانب واپسی منسوخ کر دی گئی۔ بدھ کو اے این اے نے بریک کنٹرول کمپیوٹر کے مسئلے کی وجہ سے ڈریم لائنر کی ایک مقامی پرواز منسوخ کر دی تھی۔
بھارت –جہاں سرکاری کمپنی ائیر انڈیا نے چھ ڈریم لائنر جیٹس کی ڈیلیوری لی ہے اور مزید کا آرڈر نہیں دیا– میں ایوی ایشن ریگولیٹر کے ایک سینئر اہلکار نے کہا کہ ڈریم لائنر میں حالیہ مسائل کے سلسلے کی وجہ سے خدشات پائے گئے۔
