کوبے: جمعرات کی صبح صوبہ ہیوگو میں عظیم ہانشِن زلزلے کی 18 ویں برسی کے موقع پر تقریبات کا انعقاد کیا گیا۔
یہ زلزلہ، جو 17 جنوری 1995 کو صبح 5:46 پر آیا تھا، صوبہ ہیوگو اور پڑوسی علاقوں میں 6434 لوگوں کی ہلاکت کا باعث بنا۔
ہیگاشی کوبے کے ہیگاشی یواینچی پارک میں ایک تقریب منعقد کی گئی، جہاں لقمہ اجل بننے والوں کی یاد میں لالٹینیں روشن کی گئیں اور 1.17 کے ہندسے کی صورت میں رکھی گئیں۔ قریباً 5000 لوگوں، بشمول 11 مارچ 2011 کی آفت سے بچنے والوں، نے تقریب میں شرکت کی جس میں دونوں آفات کا شکار بننے والوں کے لیے دعائیں کی گئیں۔ ایتامی کے ایک پارک میں، مرنے والوں کی یاد میں 6434 شمعیں روشن کی گئیں۔
