چیبا: پولیس نے منگل کو کہا کہ وہ ایک آدمی کی تلاش میں ہیں جس نے ایچی ہارا، صوبہ چیبا میں ایک لڑکی کو اس وقت تیز دھار آلے کا وار کر کے زخمی کر دیا جب وہ اپنے کتے کو سیر کروا رہی تھی۔
پولیس کے مطابق، یہ حملہ پیر کو شام 6 بجے کے قریب رونما ہوا۔ لڑکی نے کہا کہ وہ اپنے کتے کو ٹہلا رہی تھی جب اسے کسی آدمی نے اچانک پیچھے سے پکڑ لیا۔ پولیس نے اس سے منسوب بیان میں بتایا کہ آدمی نے اسے چپ رہنے کو کہا اور پھر اس کے سر پر ضرب لگائی۔ لڑکی کے بقول، پھر اس نے اس کے سر کے دائیں جانب چاقو جیسے کسی آلے سے زخم لگایا۔
لڑکی کی جانب سے جد و جہد کرنے پر آدمی پیدل ہی بھاگ نکلا۔ پولیس نے کہا کہ اس کا حلیہ ایسے بیان کیا گیا کہ عمر 25 تا 30 سال، اور قد 175 سینٹی میٹر کے قریب۔
پولیس نے کہا کہ لڑکی کو اس کے ماتھے پر تین انچ لمبے زخم کے علاج کے لیے ہسپتال لے جایا گیا۔
