ٹوکیو: پچھلے ماہ بوئنگ 787 کی ایک پرواز کے دوران حد سے زیادہ گرم ہونے والی لیتھیم آئن بیٹری پر جاری تفتیش سے ثبوت ملا ہے کہ اسی طرح کا مسلسل حرارت پذیر ہونے کا عمل (تھرمل رن اوے) بوسٹن کے واقعے میں بھی دیکھا گیا؛ یہ بات اہلکاروں نے منگل کو بتائی۔
جاپان ٹرانسپورٹیشن سیفٹی بورڈ نے کہا کہ سی اے ٹی اسکین اور دوسرے تجزیوں سے بیٹری کے آٹھ کے آٹھ سیلوں کو نقصان کا پتا چلا جو 16 جنوری کو آل نیپون ائیر ویز کے 787 میں حد سے زیادہ گرم ہو گئی تھی، جس نے ہنگامی لینڈنگ پر مجبور کیا اور امریکی و جاپانی ایوی ایشن سیفٹی کے اداروں نے تحقیقات شروع کر دیں۔ امریکی تفتیش کاروں نے ایک بیٹری میں ایسا ہی ثبوت دریافت کیا تھا جس نے پچھلے ماہ جاپان ائیر لائنز کے بوسٹن میں پارک شدہ 787 میں آگ پکڑ لی تھی۔ جاپانی تفتیش پرواز کے ڈیٹا ریکارڈز اور چارجر و دوسرے برقی نظاموں پر توجہ مرکوز کر رہی ہے جو متاثرہ بیٹری سے منسلک تھے۔
قبل ازیں تفتیش کاروں نے کہا تھا کہ انہیں کیوتو، جاپان سے تعلق رکھنے والی جی ایس یوآسا، جس کی فضائیات کے حوالے سے اپنی آرزوئیں داؤ پر لگی ہوئی ہیں، کی تیار کردہ 787 کی بیٹریوں میں معیار کے مسائل کا کوئی ثبوت نہیں ملا۔
