واشنگٹن: بوئنگ نے اتوار کو اپنے 787 ڈریم لائنر کی “خاص بات سے عاری” آزمائشی پرواز کا انعقاد کیا جو بیٹری کی حالیہ آتش زنی کی تحقیقات کا حصہ ہے جس نے بین الاقوامی نگران اداروں کو طیارہ گراؤنڈ کرنے پر مجبور کر دیا۔
بوئنگ کے ترجمان مارک بِرٹیل نے ایک بیان میں کہا، “پرواز کے دوران عملے نے مرکزی اور اے پی یو بیٹریوں کی کارکردگی کی نگرانی کی”۔ انہوں نے مزید کہا کہ خصوصی سامان نے “پرواز کے عمومی حالات میں عملے کو بیٹری کی کارکردگی کے مشاہدے اور با تفصیل ریکارڈ رکھنے کی سہولت دی”۔
انہوں نے اضافہ کیا: “پرواز کے دوران اکٹھا کیا گیا ڈیٹا 787 کے جنوری میں رونما ہونے والے بیٹری کے واقعات پر جاری تحقیقات کا حصہ سمجھا جا رہا ہے”۔
آزمائشی پرواز کو ہفتے میں قبل ازیں امریکی فیڈرل ایوی ایشن ایڈمنسٹریشن (ایف اے اے) کی جانب سے منظوری ملی تھی۔
جمعہ کو بوئنگ نے کہا کہ اس نے اپنے مسائل زدہ بوئنگ ڈریم لائنر 787 کے خریداروں کو مطلع کیا تھا کہ فراہمی میں تاخیر ہو جائے گی جیسا کہ فضائی تحفظ کے امریکی ماہرین طیارے پر بیٹریاں جلنے کے دو واقعات کی تفتیش کر رہے ہیں۔
