ٹوکیو: پولیس نے کہا کہ ایک ایکسپریس مسافر ٹرین نے ہیوگو صوبے میں منگل کو ایک پھاٹک پر ٹرک کو ٹکر مار دی، جبکہ فوٹیج اور جائے وقوعہ کی اطلاعات سے انکشاف ہوا کہ وہ اسٹیشن کے پلیٹ فارم پر چڑھ گئی تھی۔
کثیر الاشاعت یومیوری شمبن کی ایک آنلائن شائع کردہ تصویر سے تاکاساگو شہر میں آدھا کیرج ایک پلیٹ فارم پر نظر آ رہا ہے۔ مقامی پولیس کے ایک ترجمان نے حادثے کی تصدیق کی اور کہا کہ زخمیوں کی تعداد 16 سے بڑھ سکتی ہے۔
“سولہ لوگ بشمول ٹرک اور ٹرین کے ڈرائیور زخمی ہوئے۔”
ایک اطلاع کے مطابق ٹرین میں 70 کے قریب مسافر تھے۔
یومیوری نے کہا کہ ٹرین کا ڈرائیور اس حادثے میں بری طرح زخمی ہوا جس میں ٹرین کی چھ بوگیوں میں سے دوسری اور تیسری بوگیاں پٹڑی سے اچھل کر پرے ہٹ گئیں، اور اسٹیشن کے پلیٹ فارم کے آخر پر جا کر رکنے سے قبل 200 میٹر تک حرکت کرتی رہیں۔
