ٹوکیو: نیشنل پولیس ایجنسی (این پی اے) نے اس ہفتے کہا کہ اس کے اہلکاروں نے پچھلے برس 2012 میں گھریلو بدسلوکی کا نشانہ بننے والے بچوں کی ایک ریکارڈ تعداد یعنی 16,387 بچوں کو مشورہ مراکز سے رجوع کرنے کو کہا۔ فُوجی کی خبر کے مطابق، اس کے علاوہ 5,222 رجوع کے کیسوں میں نشانہ بننے والے جسمانی تشدد کا شکار ہوئے تھے۔
این پی اے نے مزید اعلان کیا کہ رجوع کے 2,736 کیس ایسے بچوں کی خاطر دائر کیے گئے جنہیں بھوکے ہی چھوڑ دیا گیا تھا یا ان کی ویسے دیکھ بھال نہ کی گئی، جبکہ 163 کیسوں میں وہ بچے شامل تھے جنہیں جنسی تشدد کا نشانہ بنایا گیا۔
این پی اے نے کہا کہ پولیس فورس بدسلوکی کا نشانہ بننے والے بچوں کو مشورہ مراکز کی جانب ریفر کرتی ہے، جن کو پھر بچوں کے تحفظ کی ذمہ داری سونپی جاتی ہے، مثلاً انہیں حفاظتی تحویل میں لینا یا ان کے والدین کو مشاورت مہیا کرنا وغیرہ۔
